Timan eller Timanhøgdene (russisk Тиманский кряж, Timanskij Krjazj) er eit høgdedrag lengst nord i den europeiske delen av Russland. Mesteparten av Timan ligg i Republikken Komi, medan den aller nordlegaste delen ligg i det autonome området Nenetsia og Arkhangelsk oblast. Det høgaste punktet i Timan er 463 moh.
Timanhøgdene, som ligg vest for dei nordlege Uralfjella, er ein del av Den austeuropeiske sletta. Ho ligg vest for elva Petsjora og delar Det nordrussiske låglandet i ein vestleg og ein austleg del. Timan endar ved Barentshavet i nord.
Landskapsbiletet i Timanhøgdene, som ligg i taiga- og tundrabelta, er kjenneteikna av eit bakkete og berglendt åsterreng som er vorte slipt og forma av ismassane under istidene. Fleire elvar har kjeldene sine i Timanhøgdene. Dei viktigaste er Petsjora sine sideelvar Izjma, Mezen og Vytsjegda, som er ei sideelv til Nordre Dvina.
Den største byen i det elles tynt folkesette Timan er Ukhta, som vart grunnlagt på 1930-talet for å opne Timan for utvinning av råstoff. I Timan-området finst mange forskjellige naturressursar − mellom anna gass, olje, bauxitt og titanmineral.
Kjelder
- Denne artikkelen bygger på «Timanhøydene» frå Wikipedia på bokmål, den 29. september 2008.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
