Svalbard lufthamn, Longyear

Svalbard lufthamn, Longyear er ein sivil flyplass på Svalbard. Flyplassen ligg på Hotellneset ca. 5 km nordvest for Longyearbyen og er eigd og driven av Avinor AS.

Svalbard lufthamn, Longyear
IATA	LYR
ICAO	ENSB
Operatør	Avinor
Tener	Longyearbyen
Stad	Svalbard
Opna	1975
Høgd	94 fot
Koordinatar	78°14′46″N 15°27′56″E
Nettstad	https://avinor.no/en/airport/svalbard-airport/, https://avinor.no/flyplass/svalbard/

Svalbard lufthamn, Longyear.

Svalbard lufthamn, Longyear.

Bygginga av rullebana starta i 1973, og det fyrste flyet landa på flyplassen 14. september 1974. Flyet var ein Fokker F-28 frå Braathens SAFE. Svalbard lufthamn opna offisielt 2. september 1975. Hausten 2005 bestemte Avinor at det skulle byggast ein ny terminal på flyplassen. Terminalen blei opna 10. desember 2007. Den har i dag status som verdas nordlegaste lufthamn med regulær rutetrafikk, og har daglege avgangar til Oslo og Tromsø med SAS, samt gruveflygingar til Ny-Ålesund og Svea. I 2008 reiste 138 934 passasjerar via Svalbard lufthamn, ein auke på 7,4 % frå året før.

Ulukker

• 10. oktober 1986 styrta eit Cessna-fly like etter avgang frå Svalbard lufthamn. Alle dei seks ombord omkom.

• 29. august 1996 styrta eit russisk Tupolev Tu-154M-fly i Operafjellet under innflyging til Svalbard lufthamn. Flyet blei operert av Vnukovo Airlines og var på veg frå Moskva til Longyearbyen med russiske og ukrainske gruvearbeidarar. Flyet var ca. 3 km ute av kurs då det styrta. Alle dei 141 ombord omkom. Dette er den flyulukka på norsk jord som har tatt flest menneskeliv.

Denne transportartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.