Snorre

Snorre er eit mannsnamn av norrønt opphav. Det har namnedag den 23. september.

Snorre Sturlason teikna av Christian Krohg til Heimskringla.

Det norrøne Snorri var først brukt som eit tilnamn som tydde 'villstyring'. Frå 900-talet blei det brukt som personnamn på Island, og frå 1300-talet i Noreg. Namnet åleine er ofte blitt brukt om Snorre Sturlason og kongesogene hans.

I nyare tid blei namnet teke i bruk i Noreg rundt byrjinga av 1900-talet. Bruken steig gjennom hundreåret, og fekk ein topp rundt 2000. I 2009 var det 1 523 norske menn som heitte Snorre.

Namneberarar

• Snorre Sturlason (d. 1241), islandsk forfattar
• Snorri Hjartarson (1906–1986), islandsk forfattar
• Snorre Andersen (1914-1979), norsk målar
• Snorre Tindberg (1923-2008), norsk sceneograf
• Snorre Valen (f. 1984), norsk ungdomspolitikar (SV)

Annan bruk

• Snorrefeltet, eit petroleumsfelt nord i Nordsjøen
• Eit mykje brukt viskelêr

Kjelder

• «Snorre – mannsnavn» i Store norske leksikon, snl.no.
• Søk etter norsk namnestatistikk for Snorre hjå Statistisk Sentralbyrå