Skarbøvik er ein bydel i Ålesund på øya Heissa med tettbygd bystruktur (i motsetnad til villaområda på dei sør- og austlege delane av bydelen som etter 1968 omfattar heile Heissøya). Byggjinga av Steinvågsbrua i 1953 knytte bydelen tettare saman med Aspøya og resten av Ålesund bysentrum, ca tre kilometer lenger aust. Brusambandet blei følgt av monaleg folkevekst. Hovudgatene i bydelen er Brogata, som leier opp mot Steinvågsbrua i aust. Etter om lag 270 meter går denne gata inn i Tonningsgate som glir inn i den rette Skarbøvikgata som går langsmed sjølve vika i nord-sør-retning. Fram til kommunesamanslåinga med Borgund i 1967-1968 tilhøyrde Skarbøvika Ålesunds ytste og vestlegaste bydel. Etter samanslåinga høyrer heile øya til Ålesund bykommune og har om lag 4 000 innbyggjarar pr. 2013.
Skarbøvik stadion (SIF Stadion) er heimebane for Skarbøvik Idrettsforening og blei opna i 1947 med grasbane frå 1953-1954. Skarbøvik ungdomsskole blei innvigd i 1968, medan Skarbøvik kyrkje blei vigsla i 1995. Bydelen er elles kjend for Ålesund akvarium, Atlanterhavsparken.
I Skarbøvika er det ei rekkje store fiskeribedrifter og maritime verkstader.
Lokalpolitisk blir bydelen styrt av Heissa og Skarbøvik bydelsutval som dekkjer heile øya.
Bakgrunnsstoff
- Heissa og Skarbøvik bydelsutval Arkivert 2014-07-02 ved Wayback Machine.
- Skarbøvik kyrkje Arkivert 2011-03-13 ved Wayback Machine.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
