Sassen-Bünsow Land nasjonalpark

Sassen-Bünsow Land nasjonalpark er ein nasjonalpark på Svalbard. Parken vart oppretta ved forskrift 26. september 2003 i medhald om Lov om miljøvern på Svalbard.

Sassen-Bünsow Land nasjonalpark
nasjonalpark
Land	Noreg
Område	Svalbard
Areal	1 230 km²
•  land	1 157 km²
•  vatn	73 km²
Oppretta	26. september 2003
Sassen-Bünsow Land nasjonalpark 78.383333°N 17.25°E / 78.383333; 17.25
Wikimedia Commons: Sassen-Bünsow Land National Park

Nasjonalparken omfattar Sassendalen med fjell- og viddeområda på nordsida av dalen, fjell- og breområda aust for Tempelfjorden, Bünsow Land, samt sjøareala i Tempelfjorden (innanfor ei rett linje mellom Sveltihel og Bjonapynten) og i Gipsvika.

Nasjonalparken utgjer ca. 1157 km² landareal (inkludert brear og ferskvatn) og ca. 73 km² marint areal på gardsnummer 1, 25, 26 og 27 på Svalbard.

Formålet med fredinga er mellom anna å ta vare på store areal med samanhengande vegetasjon med innslag av sårbare planteartar, store våtmarksområde; viktige hekke-, nærings- og myteområde for fugl og den karakteristiske og kjente fjellformasjonen Templet.

Lenkje til kart og informasjon

• Sassen-Bünsow Land nasjonalpark Arkivert 2007-09-20 ved Wayback Machine.
• Verneområde på Svalbard Arkivert 2007-09-28 ved Wayback Machine.
• Direktoratet for naturforvaltning, informasjon om Sassen-Bünsow Land nasjonalpark Arkivert 2007-09-30 ved Wayback Machine.