Pulp Fiction
From Wikipedia, the free encyclopedia
Pulp Fiction er ein amerikansk film frå 1994 og var det store gjennombrotet for regissør og manusforfatter Quentin Tarantino. Den vann Gullpalmen ved Cannes filmfestival i 1994, og Oscar for beste manus i 1995. Filmen var også nominert til ei rekke andre Oscar-prisar, mellom andre beste film. Lenge hadde den rekorden for flest bannord i ein film (ordet «fuck» blir sagt 271 gonger), men vart 1999 gått forbi av South Park: Bigger, Longer & Uncut.
Heile handlinga i Pulp Fiction går føre seg i Los Angeles. Historia dreiar seg rundt fleire mindre historier som til slutt viklar seg saman. Filmen hoppar også fleire gonger fram og tilbake i tid. Tematikken er mellom anna stoffmisbruk og svindel i kriminelle miljø.
Eit anna særtrekk ved Pulp Fiction, som og er typisk for Tarantino sine filmar, er dei mange diskusjonane mellom rollefigurane om trivialitetar – som eksempelvis kvifor ein «quarter pounder»-burgar kallast «royale» i Frankrike, eller om hunden er eit skittent dyr eller ikkje.
Rolleliste
| Rolle | Skodespelar |
|---|---|
| Vincent Vega | John Travolta |
| Jules Winfield | Samuel L. Jackson |
| Butch Coolidge | Bruce Willis |
| Mia Wallace | Uma Thurman |
| Marsellus Wallace | Ving Rhames |
| Winston Wolf | Harvey Keitel |
| Ringo | Tim Roth |
| Yolanda | Amanda Plummer |
| Jimmie | Quentin Tarantino |
Bakgrunnsstoff
- Pulp Fiction ved IMDb
Wikiwand - on
Seamless Wikipedia browsing. On steroids.