Percy Jackson

Percy Jackson (opphavleg tittel Percy Jackson & the Olympians) er ein bokserie i fantasysjangeren skriven av Rick Riordan. Serien omfattar fem bøker, som alle er omsette til norsk. Den fyrste boka, Lyntyven, er også vorten filmatisert.

Rick Riordan ved lanseringa av The Battle of the Labyrinth.

Bøkene har handling frå USA, men er inspirerte av gresk mytologi. Hovudpersonen Percy Jackson har det vanskeleg på skulen (han har ADHD og dysleksi), men oppdagar etter kvart at han er son av den greske havguden Poseidon. Saman med andre overnaturlege vener må han klara seg mot ulike skapningar frå den greske mytologien.

Bøkene

År	Originaltittel	Norsk omsetjing
2005	The Lightning Thief	Lyntyven (2009)
2006	The Sea of Monsters	Monsterhavet (2010)
2007	The Titan's Curse	Titanens forbannelse (2010)
2008	The Battle of the Labyrinth	Slaget om labyrinten (2011)
2009	The Last Olympian	Den siste olympier (2011)

Hovudkarakterar

• Percy Jackson
• Grover Underwood
• Annabeth Chase
• Luke Castellan
• Thalia Grace
• Nico di Angelo
• Tyson
• Clarisse La Rue
• Rachel Elizabeth Dare
• Chiron
• Sally Jackson

The Heroes of Olympus

The Heroes of Olympus er ein oppfølgjarserie til Percy Jackson-serien og er også basert på halvblodsleiren og gresk mytologi. Den første boka, Den forsvunne helten (The Lost Hero), kom 12. oktober 2010. Som i den første serien vil det bli fem bøker. Den andre boka i The Heroes of Olympus, The Son of Neptune, blei gitt ut i oktober 2011 og den tredje boka er The Mark of Athena som vart gitt ut 2. oktober 2012. Den fjerde boka,The House of Hades, skal kome ut hausten 2013.

Kjelder

• Denne artikkelen bygger på «Percy Jackson & the Olympians» frå Wikipedia på bokmål, den 24. juni 2010.

• Denne artikkelen er basert på ei omsetjing av artikkelen Percy Jackson & the Olympians frå Engelsk Wikipedia .