Parken

Parken (tidlegare: Københavns Idrætspark eller berre Idrætsparken) på Østerbro i København er det nasjonale fotballstadionet i Danmark og heimestadion for FC København. Sjølve bana målar 105 x 68 m medan lysanlegget er på 1400 lux.

Parken
Offisielt namn	Parken
Adresse	Parken, Øster Allé 50 2100 København Ø
Stad	København i Danmark
Eigar	Parken Sport & Entertainment
Arkitekt	Gert Andersson
Opna	1911 Totalrenovert: 1992
Drift	Parken Sport & Entertainment
Banestorleik	105 x 68 m
Underlag	Gras
Brukarar	FC København De Rød-Hvide
Kapasitet	38 065
Tidlegare namn	Københavns Idrætspark
Hendingar	Heimekampane til FC København Eurovision Song Contest 2001
Parken 55.702469°N 12.572203°E / 55.702469; 12.572203

Københavns Idrætspark vart innvia fyrst den 25. mai 1911, men det var ikkje før den 15. november 1990 at det vart sett i gang ei totalrenovering. Stadionet var den nest største byggeplassen i Danmark, berre overgått av Storebæltsambandet, i dei to åra ombygginga fann stad. Banen vart opna igjen den 1. september 1992 under det nye namnet Parken.

Etter ombygginga er det blitt spelt fleire viktige fotballkampar i Parken. Dei mest kjente er finalen i Cupvinnarcupen mellom Arsenal og Parma i 1994 og finalen i UEFA-cupen mellom Arsenal og Galatasaray i 2000. I tillegg er det blitt spelt fleire viktige kvalifiseringskampar av det danske herrelandslaget i fotball.

Det er blitt halde fleire konserter her med store artistar som Depeche Mode, U2, George Michael, Slipknot, Metallica, Michael Jackson, Robbie Williams, The Black Eyed Peas, Bruce Springsteen, Tina Turner og Pet Shop Boys. Parken var arena då Danmark arrangerte Eurovision Song Contest 2001.

Kjelder

• Denne artikkelen bygger på «Parken» frå Wikipedia på bokmål, den 6. desember 2010.

Føregangar

Arena for Eurovision Song Contest 2001

Etterfylgjar Saku Suurhall