Ola Skjåk Bræk

Ola Skjåk Bræk (fødd 4. februar 1912 i Eidsvoll, død 26. desember 1999) var jurist, bankmann og politikar.

Ola Skjåk Bræk
Fødd	4. februar 1912 Eidsvoll kommune
Død	26. desember 1999 (87 år)
Statsborgar av	Noreg
Parti	Venstre
Yrke	politikar, bankier, jurist
Utdanna ved	Universitetet i Oslo
Ektefelle	Ingeborg Skjåk Bræk
Barn	Lise Skjåk Bræk, Gudmund Skjåk-Bræk
Alle verv	vararepresentant til Stortinget (1965–1969) Norsk industriminister (1972–1973) vararepresentant til Stortinget (1973–1977)

Etter å ha vore sakførarfullmektig o domarfullmektig i Eidsvoll, arbeidde han i 10 år i Bank- og Sparebankinspeksjonen. I 1950 vart han banksjef for Sunnmøre Nye Kredittbank i Ålesund. I 1952 stod han bak ei samanslåing med tre andre bankar på Sunnmøre. Den nye banken vart Sunnmøre Kredittbank i Ålesund. I 1975 var han drivkraft bak samanslåing av Sunnmøre Kredittbank og Privatbanken i Ålesund til Sunnmørsbanken. Som banksjef var han sterkt engasjert i samfunnsutviklinga på Sunnmøre. Han ordna finansiering for omstillingar i fiskeflote og skipsbygging. Bræk var sentral i finansieringa av Vigra flyplass, og avi mange viktige vegsamband.

Ola Skjåk Bræk var vararepresentant til Stortinget i 1965 - 69, og i 1973 - 77. Han representerte Venstre. Brek vart industriminister i Korvaldregjeringa 1972 - 73.

Ola Skjåk Bræk fekk Sunnmøre Næringsråd sin ærespris i 1985. I 1976 vart han kommandør av St. Olavs Orden.

I 1990 gav han ut sjølvbiografien Hva brast så høyt.

Kjelder

• Harald Kjølås: Sunnmøres finansminister i 100 år 100 navn. Personer som har preget Nordvestlandet. Sunnmørsposten Forlag 2000