Miljødirektoratet er eit norsk direktorat som blei oppretta 1. juli 2013 gjennom samanslåing av Direktoratet for naturforvaltning og Klima- og forurensningsdirektoratet.[2] Miljødirektoratet er underlagt Miljøverndepartementet.[3]
| Miljødirektoratet | |||
| Type | Direktorat | ||
|---|---|---|---|
| Org.nummer | 999 601 391 | ||
| Skipa | 2013 | ||
| Miljødirektør | Ellen Hambro[1] | ||
| Verkeområde | Noreg | ||
| Tilsette | Ca. 700 | ||
| Undergrupper | Statens naturoppsyn | ||
| Eigarskap | Miljøverndepartementet | ||
| Nettstad | miljødirektoratet.no | ||
Eit mål med etableringa av direktoratet har vore å forenkle og betre styringsdialogen mellom departement og direktorat, og vidare til fylkesmenn og kommunane.
Ellen Hambro blei i statsråd 22. mars 2013 åremålstilsett som direktør for Miljødirektoratet frå 1. juli same år.[4] Ho leda også arbeidet med samanslåinga av dei to direktorata i perioden fram til Miljødirektoratet blei oppretta.[5]
Dei overordna oppgåvene er å redusere klimagassutslepp, forvalte norsk natur og hindre forureining.[6] Meir spesifikt omfattar det oppgåver innan
- klima, klimagassar og klimatilpassing
- helse- og miljøskadelege stoff
- naturmangfald - forvaltning av areal og leveområde
- forvaltning av artar og bestandar
- friluftsliv
- forvaltning av hav- og kystmiljø
- forvaltning av elver og innsjøar
- avfall og gjenvinning
- luftforureining og støy
- regulering og tilsyn av industri og petroleumsverksemd
Grunnfunksjonane til direktoratet er å
- overvake miljøtilstanden og formidle miljøkunnskap og -informasjon
- vere myndigheitsutøver - forvalte lover og forskrifter, fatte vedtak etter desse og føre tilsyn
- styre og rettleie regionalt og kommunalt nivå
- vere fagleg rådgivar og samordne sektorovergripande arbeid
- bidra i internasjonalt miljøarbeid
Miljødirektoratet har til saman om lag 700 tilsette – dei fleste av desse ved kontora i Trondheim og Oslo. Den overordna leiinga er lokalisert i Trondheim. Statens naturoppsyn er ein del av direktoratet med over 60 lokalkontor over heile landet.
Direktoratet er delt inn i følgjande avdelingar:
- avdeling for artsforvaltning
- industriavdelinga
- klimaavdelinga
- miljøgiftavdelinga
- avdeling for naturbruk og vern
- avdeling for naturressursar og klima
- tilsynsavdelinga
- organisasjonsavdelinga
- Statens naturoppsyn
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
