Luis Suárez

Luis Alberto Suárez Díaz (fødd 24. januar 1987 i Salto) er ein uruguayansk fotballspelar som i 2018 spela som angrepsspelar for Barcelona i spansk La Liga, og på Uruguay sitt landslag. Han vart seriemeister i Uruguay med Nacional i 2006 og i Nederland med Ajax i 2011. I 2011 var han òg med på å vinna Copa América med Uruguay og vart kåra til beste spelar i turneringa.

Luis Suárez

Personleg informasjon
Fullt namn	Luis Alberto Suárez Díaz
Fødd	24. januar 1989 (35 år)
Fødestad	Salto
Høgd	181 cm
Posisjon	Ving, spiss
Klubbinformasjon
Noverande lag	Barcelona
Nummer	9
Ungdomsklubbar
2003-05	Nacional
Seniorkarriere*
År	Lag	Kampar (Mål)
2005-06 2006-07 2007-11 2011-14 2014-	Nacional Groningen Ajax Liverpool Barcelona	29 (12) 29 (10) 110 (81) 110 (69) 122 (106)
Landslag
2007-	Uruguay OL-lag Uruguay	3 (3) 95 (49)
* Seniorklubbkampar og mål berre telt for nasjonal liga og oppdatert 10. mars 2018 ‡ Landslagsmål oppdatert 11. oktober 2017

Suárez vart kåra til årets spelar i Nederland i 2009/10-sesongen og vart òg toppskårar i den nederlandske toppdivisjonen same sesongen. I 2013/14-sesongen vart han kåra til årets spelar i Premier League og vart òg toppskårar. Han vart kåra til årets Ajax-spelar i 2008/09- og 2009/10-sesongen og i Liverpool i 2012/13- og 2013/14-sesongen. Han var Liverpool sin toppskårar i serien i alle dei tre sesongane han spelte der, frå 2011/12-sesongen av. I Barcelona vart han spansk seriemeister i 2015 og 2016, vann Meisterligaen i 2015 og VM for klubblag i 2015. Han er den som har skåra flest mål for Uruguay sitt landslag.

Bakgrunnsstoff

• (en) Luis Suárez – Profil og resultatoversikt i olympiske konkurransar på sports-reference.com.