Lars Aasgard
norsk politikar From Wikipedia, the free encyclopedia
Lars Amandus Aasgard (18. mai 1907–4. november 1984)[1] var ein norsk politikar som var stortingsmann for Kristeleg Folkeparti. Han var varaordførar i Lindås frå 1947 til 1951 og ordførar frå 1952 til 1963. Alt medan han var ordførar, vart han vald som vararepresentant til Stortinget i 1953 og 1957. I 1961 vart han fast representant for Kr.F. saman med Torstein Kvamme, og han vart attvald i 1965, også ved det valet fekk Kr.F. to representantar frå Hordaland og han var saman med Sverre L. Mo i denne perioden. I sin første periode på Stortinget var Lars Aasgard medlem av Justiskomiteen, i andre periode vart han medlem av Industrikomiteen.[1]
| Lars Aasgard
Lars Amandus Aasgard | |||
| Fødd | 18. mai 1907 Lindås i Hordaland | ||
|---|---|---|---|
| Død | 4. november 1984 (77 år) | ||
| Statsborgar av |  Noreg | ||
| Parti | Kristeleg Folkeparti | ||
| Yrke | Disponent for møbelfabrikk | ||
| Mor | Anna Veland (1884-) | ||
| Far | Andreas L. Aasgard (1878-) | ||
| Verv | Ordførar og stortingsrepresentant | ||
| Alle verv |
| ||
Alt før han kom inn i Lindås kommunestyre, hadde Lars Aasgard fått verv i lokalpolitikken. I 1932 vart han formann i likningsnemnda i kommunen, og då han i 1933 kom inn i kommunestyret, vart han og formann i fabrikktilsynet og vegnemnda. Derifrå var ikkje vegen lang til å bli formann i nemnda for bygging av Alversund bru 1948-1954, då var han også blitt ordførar i kommunen. På denne tida var ordførarane medlemer av fylkestinget, så han fekk fleire verv på fylkesnivå frå 1956, mellom anna som medlem av Arbeids- og tiltaksnemnda fra 1956-1962 og som medlem av styret for Hordaland sjukehusnemnd 1956-1962. I 1957 vart han medlem av Bestyrelsen for Norges Bank, avdeling Bergen, frå 1972 til 1981 var han formann i dette styret.[1]
Lars Aasgard hadde og stor interesse for skule og utdanning og var formann i gymnasnemnda for Nordhordland 1963-1967 og i samme periode og formann i styret for Nordhordlands interkommunale realskule 1963-1967. I 20 år frå 1959 var han styreformann for Nordhordland folkehøgskule og i den same perioden var han formann i rådet og nestformann i styret for Kongshaug folkehøgskule. Sjølv etter at han vart pensjonist, var han formann i plan- og byggjenemnd for Knarvik barnehage 1979-1981.[1]
Utanom politikken var Lars Aasgard disponent for Aasgard møbelfabrikk som han og broren Olav Aasgard hadde etablert i 1930.[2] Han var utdanna møbelsnekkar frå Haus Trearbeidsskule 1922 og Statens husindustriskole 1924-1925. Fram til han starta møbelfabrikken i 1930, arbeidde han innan jordbruk og fiske.[1]
I fritida var Lars Aasgard et svært mykje med i kyrkjeleg og kristeleg arbeid. I 1932-33 gjekk han på Det Vestlandske Indremisjonsforbunds bibelskule i Bergen. Sidan var han fritidsforkynnar i nærområdet heile livet. Det var særlig Norsk Luthersk Misjonssamband og Den indre Sjømannsmisjon som fekk nyte godt av hans engasjement. Han var formann i styret for Lindås og Masfjorden Kinamisjonslag 1939-1944 og formann i Bergen krins av Norsk Luthersk Misjonssamband 1956-1961 og Nordhordland Misjonssamband 1978-1982. Etter krigen engasjerte han seg også sterkt i Den indre Sjømannsmisjon, først i Bergen krets, der han var kretsformann i to periodar, sidan kom han inn i organisasjonen sitt landsstyre, der han var medlem frå 1958 og landsstyreformann frå 1970 til 1979.[1]
Han var og engasjert i Myking sokneråd. Der var han formann fra 1952 til 1963, og frå 1981 til han døydde var han formann i komiteen som arbeidde for å skaffe nytt orgel til Myking kyrkje.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
