fransk fysikar From Wikipedia, the free encyclopedia
Jean Bernard Léon Foucault (18. september 1819–11. februar 1868) var ein fransk fysikar som særleg er kjent for dei målingane han i samarbeid med Fizeau gjorde av lysfarten og om skilnaden mellom lysfarten i vatn og i luft. Lysfarten i vatn er 3/4 av lysfarten i luft og i vakuum. Foucault utførte det kjende pendelforsøket, som direkte viser at jorda dreier seg om sin polakse. I 1852 konstruerte han eit gyroskop.
| Léon Foucault | |||
 Léon Foucault (1819-1868) | |||
| Fødd | Jean Bernard Léon Foucault 18. september 1819 Paris i Frankrike | ||
|---|---|---|---|
| Død | 11. februar 1868 (48 år) Paris | ||
| Bustad | Frankrike | ||
| Nasjonalitet | fransk | ||
| Område | fysikar | ||
| Yrke | fysikar, astronom | ||
| Institusjonar | Paris observatorium | ||
| Alma mater | Collège Stanislas de Paris | ||
| Kjend for | Foucaultpendelen | ||
| Medlem | Royal Society Société philomathique de Paris Det prøyssiske vitskapsakademiet Det franske vitskapsakademiet Det russiske vitskapsakademiet Vitskapsakademiet i St. Petersburg | ||
Vincenzo Viviani (1622–1703) gjorde i 1661 nokre laboratorieforsøk med pendel, som lét seg forklare ved å tenkje seg at jorda roterer. I 1851 gjorde Foucault det same forsøket med ei stor kule i ein 67 m lang metalltråd hengt opp i toppen av kuppelen i Pantheon i Paris, ein såkalla foucaultpendel.
Svingeplanet til pendelen sin dreiar seg langsamt i same retning som rørsla til sola og stjernene. Om ein tenkjer seg pendelen hengt opp over ein av polane til jorda, ville pendelsvingningene gå i eit plan som ligg fast i tilhøve til stjernene, medan Jorda roterer under, ei hel omdreiing på 24 timar. Pendelen ville i tilhøve til jorda dreie seg 15° i timen. Stadig lenger vekk frå polane vil dreiinga minke og bli null ved ekvator.
Den store tilstrøyminga til Pantheon og den publisiteten eksperiment til Foucault fekk, gjorde at namnet hans vart knytt til det.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
