Kultur- og likestillingsdepartementet

Kultur- og likestillingsdepartementet (KUD) er eit norsk departement med ansvar for kultur-, likestilling og diskriminering-, medie-, idretts- og pengespel- og lotterisaker og koordinerer statleg politikk i samanheng med friviljug sektor.^[2] Frå og med 28. juni 2023 har Lubna Jaffery frå Arbeidarpartiet vore Kultur og likestillingsminister i Noreg, ho tok over etter Anette Trettebergstuen frå Arbeidarpartiet.

Kultur- og likestillingsdepartementet
Offisielt namn	Kultur- og likestillingsdepartementet
Type	Departement
Virkefelt	Noreg
Skipa	1. januar 1990[1]
Org.nummer	972417866
Statsråd	Lubna Jaffery (Ap)
Hovudkontor	Grubbegata 1, Oslo
Undergrupper	Regjeringa i Noreg
Jurisdiksjon	Noreg
Nettside	https://www.regjeringen.no/no/dep/kud/

Inngangen til Kultur- og likestillingsdepartementet m.fl. i Oslo

Foto: Alejandro Decap

Historie

Noreg fekk eit eige kulturdepartement for første gong i 1982, med namnet Kultur- og vitskapsdepartementet. Før dette låg kultursakene under Kyrkje- og undervisingsdepartementet. Kyrkje- og undervisingsdepartementet blei etablert 17. november 1818.

• Under Kåre Willoch si regjering blei altså dette departementet delt i 1982 og ansvaret for kultursaker, høgare utdanning og forsking blei overført til det nye Kultur- og vitskapsdepartementet.
• I 1990 blei dei to departementa reorganiserte. Dei to nye departementa var Kyrkje- og kulturdepartementet og Utdannings- og forskingsdepartementet.
• I 1991 blei kyrkjesakene tilbakeført, og departementa fekk namna Kulturdepartementet og Kyrkje-, utdannings- og forskingsdepartementet.
• Frå 1. januar 2002 vart dette endra på nytt, og departementa fekk namna Utdannings- og forskingsdepartementet og Kultur- og kyrkjedepartementet.
• Frå 1. januar 2010 vart namnet på departementet endra til Kulturdepartementet etter at Regjeringa Stoltenberg II bestemte å flytte kyrkjesakene over til Fornyings- og kyrkjedepartementet.
• Frå 1. januar 2022 vart namnet på departementet endra til Kultur- og likestillingsdepartementet.

Organisasjon

Politisk leiing

Statsråd og sjef for departementet (kultur- og likestillingsminister) er frå 28. juni 2023 Lubna Jaffery frå Arbeidarpartiet.^[3]

Avdelingar

Departementet har ein statsrådseksjon, ei kommunikasjonseining i tillegg til fem fagavdelingar:

• Administrasjonsavdelinga
• Avdeling for likestilling, diskriminering og internasjonale saker
• Avdeling for sivilsamfunn og idrett
• Kulturvernavdelinga
• Medie- og kunstavdelinga

Underliggande etatar som er lista i KUD

• Diskrimineringsnemnda
• Likestillings- og diskrimineringsombodet
• Kulturtanken - Den kulturelle skulesekken
• Arkivverket
• KORO - kunst i offentlege rom
• Nasjonalbiblioteket
• Restaureringsverksemda ved Nidaros domkyrkje
• Norsk lyd- og blindeskriftbibliotek
• Språkrådet
• Lotteri- og stiftelsestilsynet
• Medietilsynet
• Norsk filminstitutt
• Norsk kulturråd
• Riksteatret

Underliggande tidlegare eller andre mindre etatar

• ABM-utvikling
• Arkeologisk museum i Stavanger
• Bunad- og folkedraktrådet
• Norsk lokalhistorisk institutt
• Rikskonsertane
• Riksutstillingar
• Norsk filmfond
• Norsk filmutvikling
• Det praktisk-teologiske seminar
• Kyrkjerådet
• Opplysningsvesenets fond

Tidlegare kulturministrar

Kulturministrar frå og med 1981

Periode	Statsråd	Parti
1981–1986	Lars Roar Langslet	Høgre
1986–1989	Hallvard Bakke	Arbeidarpartiet
1989–1990	Eleonore Bjartveit	Kristeleg Folkeparti
1990–1996	Åse Kleveland	Arbeidarpartiet
1996–1997	Turid Birkeland	Arbeidarpartiet
1997–1999	Anne Enger Lahnstein	Senterpartiet
1999–2000	Åslaug Haga	Senterpartiet
2000–2001	Ellen Horn	Arbeidarpartiet
2001–2005	Valgerd Svarstad Haugland	Kristeleg Folkeparti
2005–2009	Trond Giske	Arbeidarpartiet
2009–2012	Anniken Huitfeldt	Arbeidarpartiet
2012–2013	Hadia Tajik	Arbeidarpartiet
2013–2015	Thorhild Widvey	Høgre
2015–2018	Linda Hofstad Helleland	Høgre
2018–2020	Trine Skei Grande	Venstre
2020–2021	Abid Raja	Venstre
2021–2023	Anette Trettebergstuen	Arbeidarpartiet
2023–	Lubna Jaffery	Arbeidarpartiet

Sjå òg

• Norske kulturministrar