Gunn-Rita Dahle Flesjå

Gunn-Rita Dahle Flesjå (fødd 10. februar 1973) er ein norsk terrengsyklist. Ho har deltatt i verdscupen i terrengsykling sidan 1995, og har vunne samanlagt heile fire gongar, 2003, 2004, 2005 og 2006. I 2004-sesongen vann ho alle ritt ho stilte opp i, og skaffa idretten sin stor publisitet i Noreg då ho vann OL-gull i Athen. I 2004 vart ho tildelt Aftenpostens Gullmedalje og ho vart kåra til «Årets kvinnelege idrettsutøvar» for 2006 under Idrettsgallaen 2007 i Hamar OL-amfi.

Gunn-Rita Dahle Flesjå
Statsborgarskap	Noreg
Fødd	10. februar 1973 (52 år) Stavanger kommune
Idrett	stisykling
Tok del i	Sommar-OL 2012, Sommar-OL 2008, Sommar-OL 2004, Sommar-OL 1996, Sykling under Sommer-OL 2016, Q51099800, 1999 UCI Women's Road World Cup
Utmerkingar	Aftenpostens Gullmedalje, Porsgrunds Porselænsfabriks Ærespris, Tabuprisen

Flesjå kjem frå Bjørheimsbygd i Strand kommune, men er i dag busett i Smeaheia i Sandnes. Ho har utdanning i journalistikk ved Høgskolen i Stavanger, og er gift med trenaren sin, Kenneth Flesjå.

Bakgrunnsstoff

• «Gunn Rita Dahle-Flesjå» (på engelsk). olympedia.org. Henta 14. februar 2023.
• Nettsida til Gunn-Rita Dahle Flesjå Arkivert 2006-02-18 ved Wayback Machine.