Gamleåret seig i hav

«Gamleåret seig i hav» er ein nyårssalme skriven av Elias Blix.

Ja! um Nyaarsdagen rann Yver Jord ein Morgonrode, Som igjenom verste Vaade Utan Skymring lysa kann: Jesu Namn eit Nyaar vigde, Som verd aldri gamalt att; Det hev Ljos forutan Brigde, Det hev Dag forutan Natt. 3. verset av Elias Blix «Gamleaaret seig i Hav», frå Nokre Salmar 1869

Med fyrstelina «Gamleaaret seig i Hav» stod salmen alt i første heftet av Nokre Salmar (1869), som nummer to,^[1] den gongen med sju vers.

Salmen står med fem vers i Norsk Salmebok på nummer 85, under bolken «Nyårsdag». Salmen er inspirert av dei fyrste kapital i Fyrste mosebok, og denne tidlege Blix-salmen brukar det poetiske verkemiddelet som vart eit særkjenne for Elias Blix, kontrasten lys – mørker.^[2] I tilknyting til nyårsdagen som Jesu namnedag, tar salmen opp lyset som ligg i Jesu namn.

Melodien

I dei fyrste utgåvene av Nokre Salmar er melodireferansen «Rind nu op i Jesu Navn», i utgåva frå 1891 er det vist til melodien «Saligheten er oss nær». I Norsk Salmebok er desse to salmane begge oppførte med ein melodi av Ludvig M. Lindeman, komponert i 1863.

Bakgrunnsstoff

• Teksten i tre utgåver Arkivert 2006-02-21 ved Wayback Machine.

Referansar

1. Blixblogg 13.11.03
2. Blixblogg 5.8.03