Eide i Granvin

Eide er ei bygd og ein tettstad i Voss herad i Hardanger i Vestland. Fram til 2020 var staden administrasjonssenter i tidlegare Granvin herad i Hordaland.

Eide
tettstad
Frå Eide med Granvin bruk i framgrunnen Foto: Thomas Andersen
Land	Noreg
Fylke	Vestland
Kommune	Voss
Areal	0,75 km²
Folketal	525  (2023)
Folketettleik	700 / km²
Postnummer	5736 GRANVIN
Preposisjon	på Eide
Eide i Granvin 60.52388889°N 6.71916667°E / 60.52388889; 6.71916667
Wikimedia Commons: Granvin, Voss

Tettstaden har 525 innbyggjarar per 1. januar 2023 og ligg på eidet mellom Granvinsvatnet og Granvinsfjorden, ein sidearm til Hardangerfjorden.

På Eide ligg mellom anna Granvin barne- og ungdomsskule, sagbruket Granvin bruk, Jaunsen Gjestgjevarstad og museet Granvin bygdatun. Her finn ein òg ymse butikkar og kommunale tenestetilbod, og ungdomshuset Trudvang og Granvin idrettsplass.

Eide har frå lang tid attende vore eit trafikknutepunkt som trafikken mellom Hardanger og Voss har gått om. På slutten av 1800-talet var Eide ei mykje vitja hamn for turistbåtar, og det var hotell og gjestgjevarstad der. Turistane fór landevegen opp Skjervet og om Voss før dei reiste ned til Gudvangen ved Sognefjorden, der dei steig ombordatt båtar. Frå 1935 til 1988 var jarnbanen Hardangerbanen i drift mellom Voss og Eide. Fylkesveg 7 går gjennom Eide på veg mellom Brimnes og Bergen, og vert kryssa av Riksveg 13, som går mellom Sandnes og Førde i Sunnfjord.

Bakgrunnsstoff

Commons har multimedium som gjeld: Eide i Granvin

• Gamle fotografi frå Eide på nettstaden Galleri NOR (Nasjonalbiblioteket)
• Gamle fotografi frå Granvin på nettstaden fotogranvin.com^{[daud lenkje]}