underfamilie av sporvefuglar From Wikipedia, the free encyclopedia
Hawaiifinkar, tidlegare draktfuglar, er ei gruppe små sporvefuglar endemiske for Hawaii. Dei fleste autoritetar reknar gruppa som ein underfamilie, Drepanidinae, av Fringillidae, finkefamilien. Andre kategoriserer framleis denne gruppa som ein sjølvstendig familie Drepanididae.[1]
| Hawaiifinkar | |
 Iiwi, Vestiaria coccinea | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Sporvefuglar Passeriformes |
| Familie: | Finkefamilien Fringillidae |
| Underfamilie: | Hawaiifinkar Drepanidinae |
Hawaiifinkar er mellom 10 og 20 centimeter lange og har vengespenn på 15 til 30 cm. Nebbet er meir eller mindre bøygd nedover. Artane er vanlegvis delte inn i to grupper: nektaretarar og frøetarar.
Fjørdrakta av nektaretarar er vanlegvis farga svart og raud, fjører i halen og bakvengen er svarte og resten av fjørdrakta er raud. Nebba er lange og nokre gonger svært sterkt bøygd. Slekta med det lengste nebbet var den no utdøydde Akialoa, der nebba var rundt halve kroppslengda. Tungene hos nektaretarar er røyrforma for å suge nektar frå blomar.
Frøetarar har kortare og mindre bøygd nebb. Fjørdrakta er stort sett grøn, gul eller gråaktig, sjeldan mørk i farga. Utsjånaden deira kan likne finkar som til dømes grønfink.
Nektaretarar skil seg lite frå frøetarar i hekkevanar. Pardanning kan skje allereie i oktober, sjølv om spel og hekking kan skje mellom desember og juli. Etter paring legg hoa 2-3 kvite eller blå egg med raudbrune flekker, oftast i tre, men nokre gonger i høgt gras. Egga blir klekt etter ei rugetid på 3-4 veker, og ungane blir mata av begge foreldra. Hos dei fleste artane blir fuglane kjønnsmodne etter eitt år.
Nektaretarar har hovudsakleg diett basert på nektar, men òg av insekt, edderkoppar og larver som dei tar ut under bork med dei lange nebba. Frøetarar har diett som i hovudsak er avgrensa til frø av gras og tre.
Dei mange variantane av nebb i denne gruppa, frå kraftige finkeliknande nebb, til spinkle nedbøygde nebb for søking i blomar har oppstått gjennom adaptiv stråling, der ein tidleg finkeart har utvikla seg til å fylle eit stort spekter av økologiske nisjar. Rundt 20 artar av hawaiifinkar har vorte utrydda i den siste tida, og mange fleire i perioden etter at polynesiarar kom og introduserte dei første rotter, høner, griser, hundar, og starta med jakt og landbruk.[2][3]
Nolevande artar av hawaiifinkar i rekkjefølgje etter EBird/Clements Checklist v2017[4] med norske namn etter Norske navn på verdens fugler:[5]
Slekt Melamprosops
Slekt Oreomystis
Slekt Paroreomyza
Slekt Loxioides
Slekt Telespiza
Slekt Palmeria
Slekt Himatione
Slekt Drepanis
Slekt Psittirostra
Slekt Pseudonestor
Slekt Hemignathus
Slekt Magumma
Slekt Chlorodrepanis
Slekt Loxops
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
