Didrik Tønseth (fødd 10. mai 1991) er ein norsk langrennsløpar som har vunne to VM-gull i 4 x 10 km stafett og eitt i same øvinga under Vinter-OL 2018. Han er medlem av Byåsen Idrettslag i Trondheim.
Didrik Tønseth | |
Statsborgarskap | Noreg |
Fødd | 10. mai 1991 (33 år) Trondheim |
Idrett | langrenn, friidrett |
Tok del i | Ski-VM 2015, Ski-VM 2017, Vinter-OL 2018, Ski-VM 2023 |
Tønseth var i 2010 med på det norske firemannslaget som vann stafetten under junior-VM i austerrikske Hinterarzten. I verdscupen markerte han seg fyrste gongen i franske La Clusaz ei helg i januar 2013, fyrst med ein fjerdeplass i den individuelle tevlinga, dagen etter imponerte han med ein framifrå etappe for det norske laget som vann stafettevlinga over 4 x 10 km. Han fekk sin fyrste individuelle pallplass i verdscupen då han 7. desember 2013 på Lillehammer vart nummer tre på 15 km. Vel eit år seinare, midt i desember 2014, kunne han klive opp på andreplassen etter 15 km i Davos, einast landsmannen Martin Sundby gjekk fortare.
Vinteren 2013 fekk Tønseth sølvmedaljen på 30 km under NM i Stokke i Vestfold, to år seinare tok han bronsemedaljen på same distansen då NM fann stad på Røros.
Tønseth var med i OL-troppen til Sotsji i 2014, utan å få gå eit renn. Under Ski-VM 2015 i Falun kom han i mål til fjerdeplass på 30 km og vart dermed beste nordmann. Seinare i meisterskapen gjekk han andreetappen for Noregs vinnarlag i 4 x 10 km stafett. Dei andre på laget var Niklas Dyrhaug, Anders Gløersen og ankermannen Petter Northug.
I 2017 vart Tønseth nummer fem på 15 km klassisk og nummer seks på 30 km då Ski-VM 2017 fann stad i Lahti. Sidan i meisterskapen gjekk han den fyrste etappen for Noreg i 4 x 10 km stafett, ei tevling som enda med norsk siger framom Russland, dei andre på laget var Niklas Dyrhaug, Martin Sundby og Finn Hågen Krogh.
Også under dei olympiske vinterleikane 2018 fekk Tønseth gå opningsetappen for Noreg på stafetten. Her veksla han 18 sekundar bak teten, noko som vart til 32 sekundar etter Sundby gjekk ein svak andreetappe. Gode etappeløp av Simen Krüger og Johannes Klæbo syrgde likevel for norsk triumf.
- Ski-NM 2011:
- Ski-NM 2012: Nr 10 på 30 km på Voss
- Ski-NM 2013: Sølvmedalje på 30 km på Vang
- Ski-NM 2014: Nr 11 på 30 km på Lillehammer
- Ski-NM 2015: Sølvmedalje på 10 km, 30 km og 50 km
- Ski-NM 2016:
- Ski-NM 2017: Gullmedalje på 15 km, bronse på 10 km og 30 km
- Ski-NM 2018:
- Ski-NM 2019: Sølv på 50 km og bronse på 10 km
- Ski-NM 2020: Nr 4 på 30 km i Drammen
- Ski-NM 2021:
- Ski-NM 2022:
- Ski-NM 2023:
Kjelder
- Denne artikkelen bygger på «Didrik Tönseth» frå Wikipedia på tysk, den 28. februar 2015.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.