Den angelsaksiske krønika

Den angelsaksiske krønika er ei manuskriptsamling som gjev eit historisk oversyn og samtidige nedteikningar om viktige hendingar i England frå år 60 f.Kr. til 1154. Krønikeskrivinga byrja under kong Alfred (871–899), og blei oppdatert på forskjellige stader fram til midten av 1100-talet. Den angelsaksiske krønika er både det første større verket på gammalengelsk prosa og det første samanhengjande historieverket på eit vesteuropeisk folkespråk.

Opphavsstadene (gult) og dei noverande tilhaldsstadene (grønt) til dei ulike utgåvene av Den angelsaksiske krønika.

Førstesida av Peterborough-krønika.

Ni utgåver eller fragment av Den angelsaksiske krønika har overlevd fram til våre dagar. Sju av desse er ulike originalversjonar og to er kopiar. Den eldste er Parker-krønika, som har namn etter den tidlegare eigaren Matthew Parker. Denne krønika er no ved Corpus Christi College i Cambridge. To er ved Bodleian Library i Oxford, medan British Museum i London eig resten.

Kjelder

• Angelsaksiske Krønike (6. februar 2013), Store norske leksikon. Henta 8. desember 2013.

---

• Denne artikkelen bygger på «Anglo-Saxon Chronicle» frå Wikipedia på engelsk, den 8. desember 2013.

Bakgrunnsstoff

Commons har multimedium som gjeld: Den angelsaksiske krønika

Denne historieartikkelen som har med England å gjere, er ei spire. Du kan hjelpe Nynorsk Wikipedia gjennom å utvide han.