Dei Fem (også Den mektige handfull eller Den mektige vesle gruppa; rus. могучая кучка, Mogutsjaja kutsjka) var ei gruppe nasjonalromantiske russiske komponistar. Gruppa blei danna mellom 1856 og 1862 i St. Petersburg på initiativ av komponisten Milij Balakirev. Andre medlemmer var Aleksandr Borodin, César Cui, Modest Musorgskij og Nikolaj Rimskij-Korsakov. Dei kalla seg sjølve for Novatorane.
Kunstkritikaren Vladimir Stasov fungerte som mentoren deira. Målsetjinga var ein nasjonalt orientert russisk musikk i Mikhail Glinkas ånd. Dei Fem distanserte seg med det frå meir vestleg orienterte russiske komponistar. Dei mest kjende av desse var Pjotr Tsjajkovskij og Sergej Rakhmaninov.
Med et mogleg unntak for Cui fekk medlemmene av gruppa stor påverknad på, eller underviste, mange av dei store russiske komponistane som kom etter: Aleksandr Glazunov, Mikhail Ippolitov-Ivanov, Sergej Prokofjev, Igor Stravinskij og Dmitrij Sjostakovitsj.
Litteratur
- Victor I. Seroff: Das mächtige Häuflein: der Ursprung der russischen Nationalmusik. Atlantis, Zürich 1963
Bakgrunnsstoff
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.