Bursa

Bursa er ein by nordvest i Tyrkia. Han er den fjerde største byen og eit av dei mest industrialiserte byområda i landet. Byen har 1 704 441 innbyggjarar (2011), medan storbyområde har opp under to millionar innbyggjarar. Han ligg 100 km sør for Istanbul og 20 km frå Marmarasjøen.

Bursa
by
Statue av Atatürk og guvernementet Bursa
Land	Tyrkia
Region	Marmararegionen
Provins	Bursa
Høgd	100 moh.
Koordinatar	40°11′N 29°04′E
Areal	1 036 km²
Folketal	1 704 441 [1][2]
- storby	1 948 744
Folketettleik	1 645 / km²
Grunnlagd	202 fvt.
Borgarmeister	Recep Altepe
Tidssone	EET (UTC+2)
- Sommartid	EEST (UTC+3)
Postnummer	1600
Retningsnummer	(+90) 224
Bursa 40.191330555556°N 29.080538888889°E / 40.191330555556; 29.080538888889
Kart som viser Bursa. Kart som viser Bursa.
Wikimedia Commons: Bursa
Nettstad: www.bursa.bel.tr

Bursa var hovudstad i Det osmanske riket mellom 1326 og 1365. Byen vart omtalt som «Hüdavendigar» (tyder «Guds gåve») i den osmanske perioden, medan Yeşil Bursa (som tyder Grøne Bursa) er eit nyare kallenamn som syner til alle parkane og hagane som ligg i byen, samt dei store skogane i området kring. Bursa vart kalla Prusa i antikken og var hovudstaden i Bithynia (300-talet fvt.).

Byen er synonym med fjellet Uludağ som ligg nær byen og som har eit kjent skisenter. Mausoleuma til tidlege osmanske sultanar ligg i Bursa og dei mange byggverka bygd gjennom den osmanske perioden er av dei største landemerka i byen. Den frodige sletta kring byen, varmekjeldene, fleire museum, mellom anna eit rikt arkeologimuseum, og ein velordna urban vekst dannar resten av biletet av Bursa.

Figurane Karagöz og Hacivat frå eit skuggespel var historiske personar som levde og er gravlagde i Bursa. Bursa er òg opphavsstaden til kjende tyrkiske matrettar som İskenderkebab, særleg kandiserte kastanjar, ferskenar og lokum.

Uludağ universitet ligg i Bursa. Innanfor provinsen Bursa ligg byane İznik (Nikea), Mudanya og Zeytinbağı som er kjende for den lange historia si og viktige monument.

Klima

Bursa ligg i grenseområde mellom middelhavsklima og fuktig subtropisk klima (Köppen si klimaklassifisering: Csa/Cfa). Bursa har varme, fuktige somrar, som varer frå juni til september. Vintrane er kalde og fuktige og den mest regnfulle tida av året. Det kjem stundom snø som ligg på bakken i ei veke eller to. I fjellområda, særleg Uludağ, er det frost og snø kvar vinter, men om sommaren er det behageleg temperatur i fjella.

Vêrdata for Bursa
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	25,2	26,9	30,6	34,6	35,9	41,3	43,8	41,2	38,9	37,3	28,5	27,3	43,8
Gjennomsnittleg maks °C	9,6	10,7	13,8	18,9	23,8	28,5	30,8	30,7	27	21,6	15,9	11,2	20,2
Gjennomsnittleg min °C	1,6	2,1	3,7	7,3	11,2	15,1	17,4	17,3	13,6	10,1	5,7	3,3	9
Lågast målte °C	−11,8	−16,4	−8	−3,1	1,6	5,2	9,6	10,1	5	0,2	−4,4	−8,4	−16,4
Gjennomsnittleg nedbør mm	79,5	72,2	66,8	65,6	44,6	34,6	17,7	18,9	43,2	75,3	83,2	100,9	702,5
Gns. luftfukt (%)	75	75	75	72	72	67	65	65	67	73	75	76	71
Gns. solskinstimar i månaden	96,1	89,6	130,2	168	251,1	303	334,8	306,9	234	167,4	120	89,9	2 291
Kjelde: Den tyrkiske statlege meteorologitenesta[3]

Bilete frå Bursa

• 
  Bursa klokketårn i bydelen Tophane
• 
  Bursa borg
• 
  Minareten i Bursa stormoské
• 
  Guvernatet Bursa
• 
  Bursaray
• 
  Glaspyramiden ved kjøpesenteret Zafer Plaza AVM
• 
  Kjøpesenteret Kent Meydanı AVM
• 
  Mudanya i provinsen Bursa
• 
  Mudanya
• 
  Uludağ er ein populær stad for vintersport.
• 
  Uludağ om sommaren
• 
  Irgandıbrua (1442)

Kjelder

• Denne artikkelen bygger på «Bursa» frå Wikipedia på engelsk, den 21. august 2012.
  • Wikipedia på engelsk oppgav desse kjeldene:

1. - 2011
2. Büyükşehir belediyeleri ve bağlı belediyelerin nüfusları - 2011
3. Den tyrkiske statlege meteorologitenesta

Bakgrunnsstoff

• Bursa kommune Arkivert 2016-01-19 ved Wayback Machine.
• Turistguide Arkivert 2012-06-02 ved Wayback Machine.
• Bursa Uludag skisenter Arkivert 2016-04-07 ved Wayback Machine.