Bjørnsund fyrstasjon

Bjørnsund fyrstasjon er eit fyr som ligg på Måøya ved Bjørnsund i Hustadvika i Møre og Romsdal og var bemanna fram til 1993.

Plasseringa til Bjørnsund fyrstasjon

Bjørnsund fyrstasjon

Bjørnsund fyr Foto: Gunvor Røkke
Fylke	Møre og Romsdal
Kommune	Hustadvika
Funksjon	Leifyr
Oppretta	1871
Koordinatar	62°53.7460′N 6°48.9613′E
Fyrtårn
Høgd	9,0
Form	Fyrbygning med tårn
Fyrlys
Lyskarakter	To okkulterande glimt kvart 8. sekund
Lysstyrke	16 200 cd
Lyshøgd	26 moh.
Lysvidde	15,3 nm
Status
Eigar	Staten
Automatisert	1993
Avfolka	1993
Bjørnsund fyrstasjon 62.89555556°N 6.81583333°E / 62.89555556; 6.81583333

Lykta har ei høgd på 26 meter over havet og lysstyrken er 16 200 candela, som gjev ei rekkevidd på 15,3 nautiske mil.

Fyret vart bygd for å betre navigasjonstilhøva ved innseglinga frå Hustadvika til den indre leia. Fyret vart tent første gong i 1871. I 1882 vart det gjort krav frå fiskarane og andre overlosen om å gjere lyset sterkare, noko som skjedde i 1886. I 1902 vart det installert eit 2. ordens linseapparat. I 1899 vart det søkt om å få tåkesignal på fyret, men dette kom først i 1917. Ved tåke gav hornet eit signal kvart 10. sekund.

I 1948 fekk stasjonen elektrisk straum og ein supertyfon gav betre tåkesignal. Ein spesiell tåkedetektor vart installert for å skjere ned på mannskapet, men denne fungerte ikkje under dei tøffe vêrtilhøva på Hustadvika.

I 1957 vart det oppretta radiofyr, som vart erstatta av radarfyr (Racon) i 1977, eitt av dei første i landet. Stasjonen vart omgjort frå familiestasjon til tørnstasjon i 1974.

Sjå òg

• Fyr i Noreg

Kjelder

• «Norsk fyrliste 2008 - side 337» (PDF - 15 mb). Kystverket.
• Bjørnsund fyrstasjon i kulturminnesok.no, nettstaden til Riksantikvaren
• Bjørnsund fyrstasjon på Møre og Romsdal Kulturnett