Bifurkasjon

Ein bifurkasjon, gaffeldeling, er i geografisk tyding ei forgreining av ei vasskjelde til to eller fleire elver. Det førekjem i to omstende:

• når ei ny elv bryt ut og forlèt hovudelvelaupet, som når Tärendöelva i Sverige bryt ut frå Torneelva og endar i Kalixelva nær Junosuando eller når Casiquiarekanalen i Venezuela bryt ut frå Orinoco og endar i Rio Negro
• når ein innsjø eller eit myrområde har meir enn eitt utlaup, som i dømet Lesjaskogsvatnet som er kjelde til Rauma og til Gudbrandsdalslågen.

For bruk i anatomi, sjå anatomisk bifurkasjon.

Kart over øvre Orinoco som syner Casiquiarekanalen mellom Orinoco og Amazonaselva, basert på observasjonar av Alexander von Humboldt i 1799.

Kjelder

• Aschehoug og Gyldendals Store norske leksikon, 4. utgåve, 2005-07
• «Caplex artikkel bifurkasjon». Cappelen. Arkivert frå originalen 17. mai 2007. Henta 28. april 2024.