Arild Sandvold

Arild Edvin Sandvold (2. juni 1895–12. august 1984) var ein norsk organist og komponist frå Oslo. Størstedelen av virket sitt gjorde han som organist i Oslo domkyrkje og som orgellærar på Oslo Musikkonservatorium (no Noregs Musikkhøgskule) i meir enn 50 år.

Arild Sandvold
Fødd	2. juni 1895
Død	12. august 1984 (89 år)
Opphav	Noreg
Instrument	orgel
Verka som	komponist, organist
Prisar	Finlands løves orden, Den Kongelege Norske St. Olavs Ordenen, hedersledamot

Arild Sandvoll omgjeven av koret sitt, Cæciliaforeningen.

Foto: Anders Beer Wilse

Sandvold studerte først nokre år i Oslo, før han reiste til Leipzig der han lærte orgelspel hjå Karl Straube. I Leipzig høyrde Sandvold Max Reger sin orgelmusikk, som fekk stor påverknad på han. Denne påverknaden kjem tydelegast fram i det store orgelverket Introduktion og Passacaglia, som er særs omtykt òg i dag.

Utmerkingar

• I 1949 blei Sandvold utnemnd til riddar av 1. klasse av St. Olavs Orden
• I 1953 blei han utnemnd til riddar av 1. klasse av Finlands løves orden.
• I 1964 blei han utnemnd til medlem av det svenske Kungliga Musikaliska Akademien.
• I 1965 forfremja til kommandør av St. Olavs Orden.
• I 1978 fekk han Lindemanprisen.