Anthony de la Roché

Antoine de la Roché (òg skrive Antonio de la Roché, Antonio de la Roca og Anthony de la Roché) var ein engelsk handelsmann fødd i London. Far hans var ein fransk hugenott og mor hans var engelsk. Under ei handelsreise mellom Europa og Sør-Amerika kom han ut av kurs og vart den første til å nå Sør-Georgia. Oppdaginga var den første av land sør for den antarktiske konvergensen.^[1]

Anthony de la Roché
Statsborgarskap	Kongeriket England
Fødd	17. hundreåret London
Død
Yrke	oppdagar

Kart som viser ruta til Anthony de la Roché i 1675

Oppdaginga av Sør-Georgia

Drygalskifjorden der ein meiner Antonio de la Roché ankra opp.

Drygalskifjorden

Etter å ha kjøpt eit 350-tonns skip i Hamburg og fått løyve frå spanske styresmakter til å drive handel med Spansk Amerika kom de la Roché til Kanariøyane i mai 1674 og i oktober same år kom han fram til Callao i visekongedømet i Peru. På tilbaketuren hans i april 1675 frå Chiloé i Chile til Baía de Todos os Santos i Bahia i Brasil vart han overraska av ein storm ved Isla de los Estados ved Eldlandet og blåst ut av kurs. Dei søkte ly i Drygalskifjorden på Sør-Georgia.

Neste dag klarna vêret opp og seglasen mot Brasil heldt fram. Antonio de la Roché kom til Salvador og deretter til La Rochelle i Frankrike 29. september 1675.^{[2][3][4][5][6]}

James Cook kjende til oppdaginga til Antoine de la Roché og nemnte dette i skipsloggen sin då han kom til Sør-Georgia 14. januar 1775. Cook og mannskapet hans var dei første til å gå i land på Sør-Georgia. Øya vart kartlagt og teke på vegne av den britiske monarken. Øya fekk namnet Isle of Georgia etter Georg III av Storbritannia.^[7]

Gough Island

Gough Island

Fleire dagar etter at dei forlét Sør-Georgia kom dei ei ny folketom øy, der dei fann vatn, ved og fisk. Dei heldt seg seks dagar på øya utan å sjå teikn til andre menneske. Ein trur at dei var dei førte til å gå i land på Gough Island, ei øy som vart oppdaga av portugisaren Gonçalo Álvarez i 1505 eller 1506.^[2][8]

Anna

Roché Peak, det høgaste punktet på Birdøya på nordspissen av Sør-Georgia er kalla opp etter Antoine de la Roché.^[9]