Alkalifil

Ein alkalifil er ein organisme som veks optimalt ved høg pH, oftast mellom 9 og 11. Ein finn desse helst i sodasjøar og i karbonathaldig jord. Sidan dei fleste bakteriane trivst best i smått basiske miljø, er alkalifilane ei stor og mangfaldig gruppe organismar. Sjølv om soppar oftast trivst best i svakt sure miljø finst det nokre få soppartar som er alkalifile.

Sodasjøar, som denne i California, er naturlege habitat for alkalifilar.

Naturlege basiske miljø er oftast rike på natriumhaldige stoff som Na₂CO₃ og NaCl. Ein god del alkalifilar er difor avhengige av tilførte natrium-ion.

Mange alkalifilar løyser problemet med basiske miljø ved aktivt å pumpa proton inn i cytoplasma for såleis å senka pH-en.

Kjelder

• Singleton, Paul & Sainsbury, Diana: Dictionary of Microbiology and Molecular Biology Wiley 1987

• Denne artikkelen bygger på «Alkaliphile» frå Wikipedia på engelsk, den 4. februar 2008.