Adrián Annus

Adrián Annus (fødd 28. juni 1973) er ein ungarsk, tidlegare sleggjekastar, fødd i Szeged. Han vart europameister i sleggjekast i 2002. To år seinare gjekk han til topps i OL-finalen i øvinga, men vart få dagar seinare frådømt gullmedaljen.

Adrián Annus
Statsborgarskap	Ungarn
Fødd	28. juni 1973 (51 år) Szeged
Idrett	friidrett
Tok del i	Sommar-OL 2004, Sommar-OL 2000, Sommar-OL 1996
Utmerkingar	æresborger av Gyula

Aktiv

Annus vann gullmedaljen under EM i friidrett 2002 med eit lengste kast på 81,17 m framom Vladislav Piskunov frå Ukraina som nådde 80,39 m. Året etter erobra Annus sølvmedaljen under verdsmeisterskapen i Paris. Med eit kast på 80,36 m var han langt bak verdsmeisteren Ivan Tsikhan frå Kviterussland, som kasta 83,05 m.

Doping

Annus vart tildelt gullmedaljen i sleggjekast under Sommar-OL 2004 i Athen, men grunna mistankar om juks med urinprøvene vart han kalla inn til nye prøver. Han nekta å ta ein ny test, og vart då frådømt gullmedaljen. Medaljen nekta han å gje frå seg, fyrst etter Ungarn vart truga med sanksjonar leverte han frå seg medaljen.^[1]

Medaljar og plasseringar i internasjonale meisterskap

• OL 1996 i Atlanta: Utslått i kvalifiseringa
• EM 1998 i Budapest: Nr 8 (77,29 m)
• OL 2000 i Sydney: Utslått i kvalifiseringa
• VM 2001 i Edmonton: Nr 9 (78,10 m)
• EM 2002 i München: Gullmedalje (81,17 m)
• VM 2003 i Paris: Sølvmedalje (80,36 m)
• OL 2004 i Athen: Diskvalifisert (opphavleg tildelt gullmedaljen)

Han vart kåra til «Årets idrettsmann i Ungarn» i 2003.