William Dobson

William Dobson (4. mars 1610–28. oktober 1646) var ein av dei fyrste namnkjende, engelske målarane. Han er særleg kjend som portrettmålar.

William Dobson
Statsborgarskap	Kongeriket England
Fødd	24. februar 1610 London
Død	28. oktober 1646 (36 år) Oxford
Yrke	kunstmålar
Språk	engelsk
William Dobson på Commons

Karl II som prinsen av Wales, 1642

Liv og gjerning

Dobson, som var son til ein dekoratør, var elev hos William Peake og gjekk kanskje i lære hos Francis Cleyn i heimbyen London. Ein reknar med at han må ha hatt tilgang til dei kongelege kunstsamlingane, og slik har kopiert verk av Tizian og Anthonis van Dyck. Både i farge og form liknar bileta hans på venetianske måleri, derimot var han heller lite påverka av Dyck målarstil. Dyck introduserte Dobson for den engelske kongen. Både kongen, familien hans og andre hoffolk vart etter tur portrettert av Dobson.

Under den engelske borgarkrigen busette Dobson seg i Oxford og måla portrett av mange av dei leiande krigarane. Portrettet av den framtidige kongen Karl II, som då var tolv gammal, er kanskje hans fremste verk. Biletet har ein stil som syner påverknad frå barokken. Han måla også Pfalz-fyrstane Rupert og Moritz.

Om lag 60 av Dobsons verk er bevart for ettertida, flest portrett i halvfigur datert til 1642 eller seinare. Då Oxford fall i hendene på rundhovuda vende Dobson tilbake til London. Der var han utan både økonomisk stønad og vern. Han vart fengsla og døydde i armod 36 år gammal.

Bakgrunnsstoff

Kjelder

• Denne artikkelen bygger på «William Dobson» frå Wikipedia på engelsk, den 1. juli 2013.