![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a7/Whitney_Houston_Welcome_Home_Heroes_1_cropped.jpg/640px-Whitney_Houston_Welcome_Home_Heroes_1_cropped.jpg&w=640&q=50)
Whitney Houston
From Wikipedia, the free encyclopedia
Whitney Elizabeth Houston (9. august 1963–11. februar 2012) var ein amerikansk songar, skodespelar og fotomodell. Ho framførte blues, soul og pop-songar, og var kjend for fleire hitsinglar som «I Wanna Dance with Somebody (Who Loves Me)», «The Greatest Love of All» og ein ballade frå filmen The Bodyguard frå 1992, «I Will Always Love You», som blei den mestseljande singelen frå ein kvinneleg artist til då. Debutalbumet hennar, Whitney Houston frå 1985, slo også rekordar for kvinnelege artistar med eit salstal på 24 millionar.
Whitney Houston | |||
![]() Whitney Houston under veldedigheitskonserten Welcome Home Heroes i 1991. | |||
Fødd | 9. august 1963 | ||
---|---|---|---|
Fødestad | Newark i New Jersey | ||
Død | 11. februar 2012 (48 år) | ||
Dødsstad | Beverly Hills i California | ||
Fødenamn | Whitney Elizabeth Houston | ||
Opphav | USA | ||
Aktiv | 1976–2012 | ||
Sjanger | pop, rhythm and blues, soul, gospel, urban contemporary | ||
Instrument | vokal | ||
Stemmetype | mezzosopran | ||
Plateselskap | Arista Records, RCA Records | ||
Verka som | songar, skodespelar, filmprodusent, filmskodespelar, musikkprodusent, plateartist, fjernsynsskodespelar | ||
Mor | Cissy Houston | ||
Gift med | Bobby Brown | ||
Born | Bobbi Kristina Brown | ||
Prisar | Primetime Emmy Award, Grammy Award, Rock and Roll Hall of Fame, Billboard Millennium Award |
![Thumb image](http://upload.wikimedia.org/wikipedia/commons/thumb/0/0f/Flickr_Whitney_Houston_performing_on_GMA_2009_4.jpg/640px-Flickr_Whitney_Houston_performing_on_GMA_2009_4.jpg)
Houston vann fleire hundre prisar, mellom anna fleire Emmy-, Grammy-, Billboard- og American Music-prisar. Ho var den første kvinnelege afroamerikanske artisten som blei mykje spelt på MTV. Dette, saman med hennar blanding av tradisjonelt «svart» og «kvit» musikk, gjorde henne til ei internasjonal superstjerne og eit førebilete for mange seinare musikarar, som Mariah Carey og Christina Aguilera.