![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/Vasyl_Ivanchuk%252C_January_2018.jpg/640px-Vasyl_Ivanchuk%252C_January_2018.jpg&w=640&q=50)
Vasyl Ivantsjuk
From Wikipedia, the free encyclopedia
Vasyl Mykhajlovytsj Ivantsjuk (ukrainsk: Василь Михайлович Іванчук), (fødd 18. mars 1969) i Berezjany er ein ukrainsk Stormeister i sjakk. På FIDE si rankingliste 1. september 2009 hadde Ivantsjuk ein rating på 2756, og var då rangert som den åttande beste spelaren i verda, og den beste i Ukraina.
Vasyl Ivantsjuk | |
![]() | |
Statsborgarskap | Sovjetunionen, Ukraina |
Fødd | 18. mars 1969 (55 år) Kopytsjyntsi |
Yrke | sjakkspelar, quizdeltakar, draughts player |
Språk | ukrainsk |
Medlem av | SK Rockaden, KSK 47 Eynatten |
Ektefelle | Alisa Galljamova |
Vasyl Ivantsjuk på Commons |
![Thumb image](http://upload.wikimedia.org/wikipedia/commons/thumb/6/65/Iwantschuk_wassili_20061029_berlin_bundesliga.jpg/640px-Iwantschuk_wassili_20061029_berlin_bundesliga.jpg)
Ivantsjuk slo for alvor gjennom i internasjonal toppsjakk då han vann Linares-turneringa i 1991. Fjorten spelarar var med, åtte av dei rangert mellom dei 10 beste i verda, mellom anna verdsmeisteren Garri Kasparov, og resten av deltakarane var også mellom dei 50 beste spelarane i verda.
Ivantsjuk var etter dette tippa som ein sannsynleg neste verdsmeister, men slik har det ikkje blitt. Han har for det meste vore rangert blant dei ti beste spelarane i verda sidan 1990, og han har nokre gonger vore heilt oppe på andre plass. Men Ivantsjuk har til dels vore prega av dårlege nervar og har gjort tabbar i kritiske stillingar.
Ivantsjuk har vunne mange sjakkturneringar. Dei viktigaste sigrane er Corus-turneringa i 1996, og Linares i 1989, 1991 og 1995. I FIDE-VM i sjakk 2002 spelte Ivantsjuk seg fram til finalen, men tapte finalekampen mot den då berre 18 år gamle landsmannen Ruslan Ponomariov i finalematchen.