![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bf/The_Lovesickness_of_Frey.jpg/640px-The_Lovesickness_of_Frey.jpg&w=640&q=50)
Vaner
From Wikipedia, the free encyclopedia
Vanene var ei av dei to gudeættene i norrøn mytologi. Dei best kjende vanene var Njord, Frøy og Frøya, som kom til Åsgard som gissel etter den store krigen mellom dei to gudeættene. Men sjølv om det i litteraturen vert gjeve inntrykk av at vanene var ei stor gudeætt, er det ikkje andre enn Njord, Frøy og Frøya som er nemnde ved namn.
- For den innøvde handlinga, sjå vane.
![Thumb image](http://upload.wikimedia.org/wikipedia/commons/thumb/b/bf/The_Lovesickness_of_Frey.jpg/640px-The_Lovesickness_of_Frey.jpg)
Vanene er knytt til grøde og vokster. Vanekulten er til eit visst mål knytt til alvane, og vanaheim og alvheim ligg ifølgje Snorre nær einannan. Frøy-blotet vart òg kalla Alfablót i norrøn tid. Dei kan sjåast som representantar for den gamle grødereligionen, medan æsene med Odin og Tor i spissen i større grad stod for det krigerske og patriarkalske.
Gjenoppliva dyrking av dei norrøne gudane som legg mest vekt på vanane kan kallast vanatru.