Ulla fyrstasjon
From Wikipedia, the free encyclopedia
Ulla fyrstasjon er eit fyr som ligg på Kvernholmen i Ålesund kommune på Sunnmøre
Plasseringa til Ulla fyrstasjon
 Ulla fyrstasjon i 1993 Foto: Danckert Monrad-Krohn, Riksantikvaren | |||
| Fylke | Møre og Romsdal | ||
|---|---|---|---|
| Kommune | Ålesund | ||
| Funksjon | Leifyr, tidlegare fiskefyr | ||
| Oppretta | 1874 | ||
| Koordinatar | 62°41.1025′N 6°9.9057′E | ||
| Fyrtårn | |||
| Høgd | 10,5 | ||
| Form | Fyrbygning med tårn | ||
| Fyrlys | |||
| Lyskarakter | To okkulterande glimt kvart 10. sekund | ||
| Lyshøgd | 21,5 moh. | ||
| Lysvidde | 14,2 nm | ||
| Status | |||
| Eigar | Staten | ||
| Automatisert | 1975 | ||
| Avfolka | 1975 | ||
| Vernestatus | Freda etter lov om kulturminne | ||
 Ulla fyrstasjon 62.685222°N 6.164944°E | |||
I 1872 vart det løyvd pengar til å få bygt eit fiskefyr på Kvernholmen og det vart bygd ein liten fyrbygning her. Fyret stod ferdig hausten 1873 og vart tent første gong 25. januar 1874. Frå 1889 vart brennetida utvida og stasjonen måtte derfor utvidast til familiestasjon. Det vart bygd ny bustad med uthus og naust, samt eit lite fjøs.
I 1898 fekk fyret ei 4. ordens linse med fleire klippsektorar slik at lyset lyste i forskjellige fargar i forskjellige retningar. I januar 1901 vart fyret råka av ein storm og naustet vart flytta av bølgjene, men ikkje øydelagd. Fyret vart forsterka i 1929 og fekk elektrisk straum innlagt.
I oktober 1944 bomba allierte fly fyrstasjonen og førte til store skadar. Gjenoppbygginga av fyret starta i 1950. Det vart då bygd ein ny fyrbygning med støypejernslykt på taket. I 1975 vart fyret automatisert og avbemanna.
Ein kort periode leigde forsvaret fyret av Kystverket og nytta det til ulike tilskipingar. I 2003 tok Kystverkklubben Ullafyrets Venner over ansvaret for å vedlikehalde fyrstasjonen. I dag vert det drive fyrkafé og ulike tilskipingar, og det er høve for overnatting.
Fyrstasjonen vart i år 2000 freda etter lov om kulturminne. Han ligg i område med fugle- og dyrelivsfredning
- «Norsk fyrliste 2008 - side 327» (PDF - 15 mb). Kystverket.
- «Ulla fyrstasjon». Norsk Fyrhistorisk Forening.
- Ulla fyrstasjon i kulturminnesok.no, nettstaden til Riksantikvaren
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
