Torleiv Moren

Torleiv Moren (11. februar 1911–3. januar 2009) var ein norsk målar frå Trysil. Han var son til Sven Moren, og bror til Halldis og Sigmund Moren.

Torleiv Moren
Statsborgarskap	Noreg
Fødd	11. februar 1911 Trysil kommune
Død	3. januar 2009 (97 år)
Yrke	kunstmålar
Språk	norsk
Far	Sven Moren

Torleiv Moren utdanna seg ved Statens handverks- og kunstindustriskule 1927–28 og ved Statens kunstakademi i 1928 og 1931. Han debuterte på Høstutstillingen i 1933, og heldt separatutstilling i Kunstnerforbundet i 1936, begge i Oslo. Moren måla «sermerkte, naturnære» bilete frå Trysiltraktene, i ei form og med eit uttrykk «preget av stillhet og intimitet».

Moren, som budde i heimbygda det meste av livet, var formann i Trysil Bygdemuseum perioden 1948-54.

Kjelder

• Norsk Allkunnebok. VIII. bandet. 1958