britisk poet From Wikipedia, the free encyclopedia
Thomas Gray (26. desember 1716–30. juli 1771) var ein engelsk diktar og professor i historie ved Universitetet i Cambridge. Han blir rekna som ein representant for førromantikken,[1] og var ein viktig inspirasjon for seinare romantiske diktarar i England.
Thomas Gray | |
![]() | |
Statsborgarskap | Kongeriket Storbritannia |
Fødd | 26. desember 1716 London |
Død |
30. juli 1771 (54 år) |
Yrke | lyrikar, litteraturkritikar, skribent |
Språk | engelsk |
Thomas Gray på Commons |
Frå 1739 til 1741 reiste han gjennom Frankrike og Italia saman med Horace Walpole. Opplevingane frå denne reisa skildrar Gray i Letters, journal of a tour in Italy.
Berre frå tårnet med sin eføymur I skuggen her av barlind, alm og pil,
Thomas Gray. Gjendikta av Johannes Gjerdåker. «Elegi skriven på ein landsens kyrkjegard» frå samlinga Mjølk av Paradis. Engelsk og skotsk lyrikk frå Thomas Gray til John Clare. |
Seinare slo han seg ned i Cambridge, der han livnærte seg som rettslærd. I 1768 blei han utnemnd til professor i nyare historie. Same året blei dikta hans utgjeve samla for fyrste gong, og blei så populære at dei blei trykt i fleire opplag. Særleg kjend er diktet «Elegi skriven på ein landsens kyrkjegard», som kom på prent i eit litterært tidsskrift i London i 1751. Gray hadde byrja på diktet alt i 1742. Diktet nådde snøgt ut til breie lag av folket, og er mellom dei mest lesne i den engelsktalande verda.
Med sine musikalske og elegiske odar og poetiske vektlegging av kjensler og folkeleg daglegliv signaliserte Gray overgangen til romantikken i engelsk litteratur, og påverka sentrale forfattarar som til dømes William Wordsworth.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.