Sør-Sandwichøyane
From Wikipedia, the free encyclopedia
Sør-Sandwichøyane er ei vulkansk øygruppe i Søratlanteren. Saman med Sør-Georgia dannar øyane den britiske oversjøiske eininga Sør-Georgia og Sør-Sandwichøyane. Argentina gjer også krav på øyane.
Dei åtte sørlegaste øyane blei oppdaga av James Cook i 1775, medan Fabian Gottlieb von Bellingshausen oppdaga dei tre nordlegaste i 1819. Argentina hadde ein heilårsmanna forskingsstasjon på Thule Island frå 1976 til 1982, men elles er øyane utan fast busetnad.