Sámiid ædnan
song frå 1980 med Sverre Kjelsberg og Mattis Hætta / From Wikipedia, the free encyclopedia
«Sámiid ædnan» (nordsamisk for Samisk jord) var det norske bidraget i Eurovision Song Contest 1980, framført av Sverre Kjelsberg og Mattis Hætta. Teksten er skriven på norsk, medan tittelen og teksten i songen som er lik tittelen er på nordsamisk. I tillegg inneheld songen ein joik, ein samisk form for song utan ord.
Kjappe fakta Eurovision Song Contest 1980, Resultat ...
«Sámiid ædnan» | |||||
---|---|---|---|---|---|
Eurovision Song Contest 1980 | |||||
Land | Noreg | ||||
Artist(ar) | Sverre Kjelsberg og Mattis Hætta | ||||
Språk | Norsk og nordsamisk | ||||
Komponist(ar) | Sverre Kjelsberg | ||||
Låtskrivar(ar) | Ragnar Olsen | ||||
Resultat | |||||
Finalepoeng | 15 | ||||
Finaleplass | 16 | ||||
Noreg i Eurovision Song Contest | |||||
|
Lukk
Songen er inspirert av den samiske sjølvstyrerørsla i Nord-Noreg, og duoen song om krava til sjølvstyre. Songteksta nemner òg den tradisjonelle joiken, skildra som «sterkare enn krut». Tekststykket «framførr tinget der dem satt, hørtes joiken dag og natt» refererer til ein sveltestreik som skjedde framfor Stortinget i samband med Altasaka.