Mjølberar
From Wikipedia, the free encyclopedia
From Wikipedia, the free encyclopedia
Mjølberar, støvberar eller pollenberar er ein plantedel som produserer pollen. Han er danna av eit meir eller mindre omdanna blad hjå frøplantar. Pollenberarane utgjer såleis den hannlege delen av blomen, andrøsium eller androecium. Pollenkorna blir danna i eigne behaldarar, pollensekkar, på pollenberarane.
Mjølberaren er laga av omdanna blad i blomen kalla pollenblad eller støvblad. Hjå nokre «primitive» plantegrupper kan ein fortsatt sjå bladkarakteren til organet.[1]
Hjå nakenfrøingar sit pollensekkane som oftast i store tal på undersida av meir bladforma pollenberarar, pollenblad. Hjå dekkfrøingar består pollenberarane gjerne av ein stilk, pollentråd, og eit utvida parti i toppen, pollenknapp. Pollenknappen inneheld fire pollensekkar. Når pollenkorna er mogne, sprekk pollenknappen opp, anten med lengdespalter eller hol, og pollenet slepp ut. Hjå nokre plantar, som perikum, har mange pollentrådar vokse saman i buntar, medan knappane er frie. Hjå til dømes korgplantane er pollenknappane voksne saman til eit røyr, medan pollentrådane er frie.
Plantesystemet til Carl von Linné er i første rekke basert på talet på pollenberarar i blomen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.