Stråling
From Wikipedia, the free encyclopedia
Stråling, utstråling eller radiasjon er overføring av energi eller masse i form av bølgjer som forplantar seg gjennom rommet eller gjennom eit medium, eller i form av subatomære partiklar i rørsle.
Stråling vert oftast nytta om elektromagnetisk stråling, som radiobølgjer, mikrobølgjer, varmestråling, lys, ultrafiolett stråling, røntgenstråling og gammastråling. I tillegg har ein partikkelstråling som radioaktiv stråling, nøytronstråling og stråling av hurtige partiklar frå akseleratorar og kosmisk stråling frå verdsrommet.