Stavenes fyrstasjon

Stavenes fyrstasjon er eit fyr som ligg nordaust på Averøya og markerer innløpet til Sørsundet og hamna i Kristiansund. Det ligg om lag 3 km nord for Bremsnes.

Plasseringa til Stavenes fyrstasjon

Stavenes fyrstasjon

Foto: Trond Viggo Håpnes
Fylke	Møre og Romsdal
Kommune	Averøy
Funksjon	Leifyr
Oppretta	1842
Koordinatar	63°06.8681′N 7°39.7826′E
Fyrtårn
Høgd	8,0
Form	Lyktehus på underbygning
Fyrlys
Lyskarakter	3 okkulterande glimt
Lyshøgd	21,7 moh.
Lysvidde	14,3 nm
Status
Automatisert	1976
Avfolka	1976
Stavenes fyrstasjon 63.11444444°N 7.66277778°E / 63.11444444; 7.66277778

Fyrstasjonen vart tent som leifyr i 1842. Fyrlykta hadde eit 5. ordens fyrapparat og var plassert i eit karnapp på stoveveggen i fyrbygningen.

I åra 1847 til 1854 skal det ha vore mange sterke stormar på Hustadvika og mange sjøfolk skal ha berga seg i land på fyret. Store sjøar skylde over husa og sjøvatn rann ned skorsteinen, medan vindauge vart slått inn.

I 1894 vart det bygd nytt fyrlykthus og lagt inn fleire klipp- og farga sektorar. I 1907 vart det gamle fyrapparatet bytta ut med eit nytt 4. ordens linseapparet.

I 1953 vart det bygd ny bustad ved fyret og det vart elektrifisert med straum frå eige aggregat. I 1976 vart fyrstasjonen automatisert og avbemanna.

Sjå òg

• Fyr i Noreg

Kjelder

• «Norsk fyrliste 2008 - side 355» (PDF - 15 mb). Kystverket.
• Bjørkhaug, Birger og Poulsson, Sven. Norges fyr, fra Stad til Grense-Jakobselv Bind 2. Grøndahl & søn forlag A.S 1987

Bakgrunnsstoff

• Stavenes fyrstasjon i kulturminnesok.no, nettstaden til Riksantikvaren