![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Sinj_overview.jpg/640px-Sinj_overview.jpg&w=640&q=50)
Sinj
From Wikipedia, the free encyclopedia
Sinj er ein by i Split-Dalmatia fylke i Kroatia. Sjølve byen har kring 11 000 innbyggjarar, medan heile kommunen med dei omliggande landsbyane har kring 25 000 innbyggjarar.
![Thumb image](http://upload.wikimedia.org/wikipedia/commons/thumb/b/be/Sinj_overview.jpg/640px-Sinj_overview.jpg)
Sinj er senteret for eit område kalla Cetinska krajina, ei gruppe busetjingar på den frodige karstsletta (Sinjsko polje) som elva Cetina renn over. Sinj ligg mellom fire fjell: Svilaja, Dinara, Kamešnica og Visoka. Fjella gjev Sinj eit særeige submiddelhavklima med varmare somrar og kaldare vintrar.
Byen voks opp kring ei gammal festning heldt av osmanarane frå 1500-talet til slutten av 1600-talet, og eit fransiskanarkloster med kyrkja Vår frue av Sinj (kroatisk Gospa Sinjska), ein pilegrimsstad.
Jubileet for den siste sigeren over den osmanske armeen i 1715 vert feira årleg i starten av august med Sinjska alka, ein ryttarkonkurranse.