![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Siebenbrunnen.jpg/640px-Siebenbrunnen.jpg&w=640&q=50)
Simme
From Wikipedia, the free encyclopedia
Simme er ei sideelv til Kander i Berner Oberland i kantonen Bern i Sveits. Ho er om lag 60 km lang og har eit nedslagsfelt på 594 km².
![Thumb image](http://upload.wikimedia.org/wikipedia/commons/thumb/3/32/Siebenbrunnen.jpg/640px-Siebenbrunnen.jpg)
Simme spring ut frå Rezli-Alpane vest for fjellet Wildstrubel nær landsbyen Lenk. Nedanfor Rezli-Alpane dannar ho Simmenfälle, ei rekkje fossar, som i alt har eit samla fall på 200 meter. Elva renn så gjennom Lenk og vidare mot Zweisimmen, der ho renn saman med Kleine Simme, som kjem ned Saanemöser-fjella. Denne er om lag 10 km lang.
Frå Zweisimmen renn Simme gjennom Øvre og Nedre Simmental (Ober- og Niedersimmental). Nær landsbyen Wimmis renn Simme i hop med Kander.