![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Schladming_1.jpg/640px-Schladming_1.jpg&w=640&q=50)
Schladming
From Wikipedia, the free encyclopedia
Schladming er ein by og ein kommune i distriktet Liezen, vest i forbundslandet Steiermark i Austerrike. Kommunen har sidan 2015, då byen Schladming vart slått saman med Pichl-Preunegg og Rohrmoos-Untertal, eit areal på vel 211,1 km² og i kring 6 600 innbyggjarar (2018). Schladming ligg i den midtre delen av Austerrike, nær grensa til forbundslanda Salzburg og Oberösterreich. Byen er omkransa av Dachsteinfjellet i nord og Niedere Tauern i sør.
![Thumb image](http://upload.wikimedia.org/wikipedia/commons/thumb/2/24/Schladming_1.jpg/640px-Schladming_1.jpg)
Schladming er ein internasjonalt kjend vintersportsstad. Både VM i alpine greiner 1982 og i 2013 vart avvikla i byen. Mange gongar har Schladming vore vertskap for verdscuprenn i alpint. Verdscupen i alpine greiner 2012 vart avslutta i Schladming med renn i alle øvingane. Norske Aksel Lund Svindal vann då utfortevlinga for menn.
Byen er nasjonalt kjend for ølet sitt; Schladminger Bier.