From Wikipedia, the free encyclopedia
Schak August Steenberg Bull (10. mai 1858–25. januar 1956), fødd og avliden i Bergen, var ein av dei viktigaste norske arkitektane i Noreg på slutten av 1800-talet og byrjinga av 1900-talet. Han kom til å setje eit sterkt preg på Bergen med dei mange sentrale bygningane han teikna i denne byen, mellom anna det fyrste krematoriet i Noreg, på Møllendal søraust for sentrum av Bergen. Men mange av dei bygningane han hadde teikna i sentrumsområdet gjekk tapt i den store Bergensbrannen i 1916.
Schak Bull | |
![]() | |
Statsborgarskap | Noreg |
Fødd | 10. mai 1858 Bergen |
Død |
25. januar 1956 (97 år) |
Yrke | arkitekt |
Mor | Johanne Margrethe Bull |
Schak Bull på Commons |
Schak Bull har òg sett spor etter seg ved å vere den fyrste leiaren av Bergens Likbrendingsforening, den fyrste foreininga i ei rørsle som hadde som mål å gjere kremasjon lovleg i Noreg.
Schak Bull var bror til statsråd Edvard Hagerup Bull, nevø av fiolinisten Ole Bull og søskenbarn til komponisten Edvard Grieg.
Schak Bull vart utdanna ved bygningsavdelinga på Eidgenössische Technische Hochschule Zürich (den polytekniske høgskulen) i Zürich i åra 1875-79, under professorane Georg Lasius, Julius Stadler og Ernst Georg Gladbach. Han vitja verdsutstillinga i Paris i 1878, og gjorde studiereiser til Tyskland i 1889 og 1898, og i 1900 til England, Frankrike, Sveits og Austerrike-Ungarn.
Denne artikkelen treng referansar for verifikasjon. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.