From Wikipedia, the free encyclopedia
Savinja er ei elv nordaust i Slovenia som hovudsakleg renn gjennom Øvre og Nedre Savinjadalen (slovensk Zgornja i Spodnja Savinjska dolina) og gjennom byane Celje og Laško. Savinja er den største elva i Kamnik-Alpane. Ho munnar ut i Sava ved byen Zidani Most. Ho har ofte medført flaum, som i 1960-åra, 1990 og 1995. Savinja er 96 km lang.
| Savinja | |||
| elv | |||
 Savinja i Celje før ho vender sørover til Laško | |||
| Land |  Slovenia | ||
|---|---|---|---|
| Lengd | 96 km | ||
| Kjelde | Rinkafossen | ||
| • høgd | 1 120 moh. | ||
| Munning | Sava | ||
 Savinja 46.083813564497°N 15.172183513641°E | |||
| Wikimedia Commons: Savinja | |||
Elva oppstår ved Rinkafossen, som renn gjennom eit regulert område i den nedre delen av Logarskadalen, der ho renn saman med Jezera og vert Savinja. Denne kjelda er erklært ein naturarvstad, og Rinkafossen er ein av dei mest kjende i Slovenia. Fossefallet er det høgaste av 20 fossar i Logardalen og vert vitja året rundt. Om vinteren er staden populær hos isklatrarar.
Dei største sideelvane til Savinja er Lučnica ved Luče, Ljubnica ved Ljubno, Dreta ved Nazarje, Paka ved Šmartno ob Paki og Ložnica og Voglajna med Hudinja ved Celje.
Vasskvaliten er rekna som førsteklasses ved Radmirje, men fell så gradvis til andre og tredje klasse.
Frå Ljubno vart det vanleg med tømmerfløyting på elva fram til 1950-åra. Det finst eit monument av ein tømmerfløytar (Splavar) ved elva i Celje.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
