Sandøy kommune

Sandøy kommune er ein tidlegare norsk kommune på Romsdalskysten i Møre og Romsdal fylke. Arealet inngår no i Ålesund kommune. Kommunen grensa til Haram i sør, til Midsund i aust og til Aukra i nord. Sandøy kommune vart danna i 1867, då han vart skild ut frå Aukra kommune. Kommunegrensene har vore uendra sidan 1965, då Sandøy fekk overført delane av Harøya som høyrde til Haram kommune. 1. januar 2020 vart Sandøy ein del av nye Ålesund kommune.

«Sandøy» omdirigerer hit. For andre tydingar av ordet, sjå Sandøy (fleirtyding).

Sandøy kommune
kommune
Kommunevåpen
Land	Noreg
Fylke	Møre og Romsdal
Adm.senter	Steinshamn
Areal	20 km²
•  vatn	0,0702015200161747 km²
Målform	nynorsk
Ordførar	Oddvar Myklebust (Ap)
Kommunenr.	1546
Sandøy kommune 62.761111111111°N 6.4513888888889°E / 62.761111111111; 6.4513888888889
Kart som viser Sandøy kommune. Kart som viser Sandøy kommune.
Wikimedia Commons: Sandøy
Nettstad: www.sandoy.kommune.no

Sandøy var den nest minste kommunen i Møre og Romsdal etter folketal. Næringslivet i kommunen har tradisjonelt vore prega av fiske. I dei seinare åra har reiselivsnæringa vore i vekst. Administrasjonssenteret i kommunen er Steinshamn, som ligg nord på Harøya. Kyrkjene i Sandøy kommune er Sandøy kyrkje på Sandøya og Harøy kyrkje på Harøya.

Lokalavisa er Haramsnytt, som kjem ut to dagar i veka.

Geografi

Sandøy består av mange øyar og er kommunen med minst flatevidd av kommunane i Møre og Romsdal. Flesteparten av øyane i kommunen er flate og myrlendte, og seks av desse øyane er busette. Harøya på 13,6 km² er den største øya i kommunen og utgjer kring 60 % av flatevidda. På denne øya ligg Steinshamn, administrasjonssenteret i Sandøy kommune, og størstedelen av folkesetnaden bur her. Ut mot havet ligg øyane Ona og Husøya, Sandøya og Finnøya ligg nordaust for Harøya, og Orta ligg heilt aust i kommunen. Det høgaste punktet i Sandøy kommune Harøyburet på 156 moh., som ligg på Harøya.

Kommunevåpen

Kommunevåpenet til Sandøy vart godkjent 1986. Våpenet har på blå grunn tre sølv spissar som møtest på høgre skjoldkant. Motivet illuderer ljos frå fyrtårn.

Kjelder

• John Stokkan (8. juli 2010). «Sandøy – kommune». Store Norske Leksikon. Henta 4. april 2010.
• Eirik Helleve (28. oktober 2011). «Sandøy kommune, Møre og Romsdal». Allkunne. Henta 4. april 2011.

Bakgrunnsstoff

Commons har multimedium som gjeld: Sandøy kommune