![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/35/Sametinget_fra_luften_II_%252811644531466%2529.jpg/640px-Sametinget_fra_luften_II_%252811644531466%2529.jpg&w=640&q=50)
Det norske Sametinget
valt politisk organ for samar i Noreg / From Wikipedia, the free encyclopedia
Sámediggi, det norske Sametinget, er det øvste organet til samane i Noreg, og har som oppgåve å representera interessene deira. Tinget har i 2019 39 representantar, vald frå 7 valkrinsar over heile landet, av veljarar som står oppført i valmanntalet til Sametinget. Sjølve sametingsbygget ligg i Karasjok i Finnmark fylke.
Sámediggi | |||
![]() | |||
Org.nr. | 974760347 | ||
---|---|---|---|
Skipa | 1989 | ||
Hovudkontor | Sametingsbygningen | ||
Land | Noreg | ||
Nettstad | http://www.sametinget.no/ (bokmål) |
![Thumb image](http://upload.wikimedia.org/wikipedia/commons/thumb/b/b6/Samediggi03.jpg/640px-Samediggi03.jpg)
![Thumb image](http://upload.wikimedia.org/wikipedia/commons/thumb/8/85/Samediggi01.jpg/640px-Samediggi01.jpg)
![Thumb image](http://upload.wikimedia.org/wikipedia/commons/thumb/6/62/Sametinget.jpg/640px-Sametinget.jpg)
I tillegg til det norske sametinget finst det også eit svensk og eit finsk sameting, som på ulike måtar skil seg frå det norske sametinget. Dei nordiske sametinga samarbeider i Samisk parlamentarisk råd, som vart oppretta i 2000. Dei russiske samane har observatørstatus i Samisk parlamentarisk råd.
Vedtaket om at Sametinget skulle opprettast i Noreg blei gjort i 1987, då Stortinget vedtok Sameloven (Lov om Sametinget og andre samiske rettsforhold). Sametinget erstatta Norsk sameråd. Det blei første gong opna den 7. oktober 1989 av kong Olav, etter at representantar var blitt valde parallelt med stortingsrepresentantane.
Alle som står på samemanntalslista kan veljast inn på tinget, som samlar seg fire gonger i året. Det blir leia av Sametingsrådet, sett saman av ein president, visepresident og tre andre medlemmer som er valde frå sametingsrepresentantane.