![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/KortS%25C3%25B8nderjylland.png/640px-KortS%25C3%25B8nderjylland.png&w=640&q=50)
Sønderjylland
From Wikipedia, the free encyclopedia
Sønderjylland er den delen av Jylland som ligg lengst mot sør. Området ligg på båe sider av grensa mellom Danmark og Tyskland. I Danmark er det sørlegaste amtet Sønderjyllands Amt, som grensar mot Schleswig-Holstein (dansk: Slesvig-Holsten) i Tyskland. Slik er amtet den einaste delen av Danmark som har direkte grense mot eit anna land. I nyare tid har Sønderjylland vorte nytta om den sørlegaste delen av Danmark. Den tyske nemninga på området er Schleswig (dansk: Slesvig). Schleswig kan igjen delast opp i Nordschleswig (Nordslesvig) nordom grensa og Südschleswig (Sydslesvig) sørom grensa. Sønderjylland vart i tida 1864 til 1920 styrt av Tyskland. Særleg i den tida var det å syngja songar om Sønderjylland eit teikn på dansk patriotisme, og eit ynske om at området ei gong skulle verta ein del av Danmark att.
![Thumb image](http://upload.wikimedia.org/wikipedia/commons/thumb/c/c1/KortS%C3%B8nderjylland.png/640px-KortS%C3%B8nderjylland.png)
Ein person frå Sønderjylland vert kalla sønderjyde. Målføret vert kalla sønderjysk (synnejysk).
![Thumb image](http://upload.wikimedia.org/wikipedia/commons/thumb/7/70/S%C3%B8nderjylland.png/640px-S%C3%B8nderjylland.png)