Rovde kyrkje
From Wikipedia, the free encyclopedia
From Wikipedia, the free encyclopedia
Rovde kyrkje ligg på Rovdestranda i Vanylven på Sunnmøre. Ho vart bygd av byggmeister Lars Tornæs frå Ålesund i 1872.
Rovde kyrkje | |||
Rovde kirke | |||
Rovde kyrkje Foto: Henny Stokseth | |||
Kyrkjesamfunn | Den norske kyrkja | ||
---|---|---|---|
Bispedøme | Møre | ||
Prosti | Søre Sunnmøre | ||
Sokn | Rovde | ||
Fellesråd | Vanylven | ||
Type | Langkyrkje | ||
Material | Tre | ||
Innvigd | 2. november 1872 | ||
Kyrkjegard | Ved kyrkja | ||
Sitjeplassar | 350 | ||
![]() Rovde kyrkje 62.1763°N 5.7399°E | |||
Wikimedia Commons: Rovde kirke | |||
Kyrkja vart vigsla 3. november 1872.
I 1936 vart kyrkja dekorert av Jonas Peson.
Kyrkja som står i dag er den tredje kyrkja ein kjenner til på denne staden. PÅ 1300-talet finn ein Raudvinjar kirkja omtala. Ho var truleg frå tidleg kristen tid.
Denne eldste kyrkja var stavkyrkje. I opplysningar frå 1722, då kyrkja skulle aksjonerast bort, ser ein at kyrkja var bygt i to omgangar. Eit tømra skip, og eit stavbygt kor. Koret hadde skråstøtter eller skorder utvendig. Det hadde dei fleste stavkyrkjene på Sunnmøre, og er eit typisk trekk for den "mørske stavkyrkja". I dag finn vi denne byggemåten i stavkyrkjene på Rødven og Kvernes.
Den gamle stavkyrkja vart erstatta av ei tømmerkyrkje i 1832. Ho stod i berre 40 år. Då vart ho seld. Tømmeret vart brukt i ei sjøbu på Sandsøya.
Rovde kyrkje har ikkje vore eigar av kyrkjegods. Ho har gjennom tida fått ein del vakre gåver frå privatpersonar.Ein del av det finn vi i Rovde kyrkje i dag. Mellom anna har kyrkja fire altartavler. Den eldste altartavla er den såkalla katekismetavla. Ho er datert 1580 og er eldste lutherske inventardelen på Sunnmøre. Tavla har ikkje bilete, men tekst som er henta frå den lutherske katekisma. Ho heng på veggen bak preikestolen.
Ei anna tavle i barokk stil er datert 1700. Midtfeltet viser Nattverden, med ein figur på kvar side. Denne tavla er uvanleg lita. Truleg kjem det av at koret i stavkyrkja var lite og lågt. Dette er ei privat gåve frå handelsmann Ove Carstensen Foss og kona Maren Hansdotter Hellekande. Av gjevarane er det i kyrkja ei minnetavle, eit epitafium. Den er i same stil og frå same årstal.
Ein trekors som var altartavle frå 1872 til 1883 er dag plassert på kyrkjeloftet.
Kyrkja har i dag ein del altarutstyr frå den eldste kyrkja:
Ein gammal altarkalk av sølv frå om lag 1600. Han er gjort større ved at det er påskøytt eit stykke.
To lysestakar av messing frå 1630.
To tinnlysestakar frå 1600-talet.
Eit lite trekrusefiks frå 1700-talet.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.