Rondane nasjonalpark

Rondane nasjonalpark ligg i Innlandet fylke, og er den eldste nasjonalparken i Noreg. Nasjonalparken vart oppretta 21. desember 1962 og utvida i 2003. Landskapet i parken er prega av Rondemassivet med tindar, tronge juv og djupe botnar.Berggrunnen er karrig, og lav og lyng dominerer vegetasjonen. Området har rike spor etter gammal fangstkultur.

Rondane nasjonalpark
nasjonalpark
Land	Noreg
Fylke	Innlandet
Kommunar	Folldal, Stor-Elvdal, Dovre, Sel, Nord-Fron, Sør-Fron, Ringebu
Høgaste punkt	Rondeslottet
•  høgd	2 178 moh.
Areal	963 km²
Oppretta	21. desember 1962
•  Utvida	24. oktober 2003
Rondane nasjonalpark 61.833333333333°N 9.8333333333333°E / 61.833333333333; 9.8333333333333
Wikimedia Commons: Rondane nasjonalpark

Plassering

Rondane nasjonalpark er knytt til fjellområdet Rondane aust for Gudbrandsdalen og omfattar areal i kommunane Dovre, Sel, Nord-Fron, Sør-Fron, Ringebu, Folldal og Stor-Elvdal.

Verneformål

Formålet med vernevedtaket er mellom anna å ta vare på

• eit stort, samanhengande og i det vesentlege urørt fjellområde
• eit høgfjellsøkosystem med eigenarta og variert biologisk mangfald
• ta vare på sentrale leveområde til villreinstammen i Rondane.

Bruk av nasjonalparken

Verneforskrifta tillèt bruk av fjellområda til husdyrbeite og tradisjonelt friluftsliv.

Den norske turistforening driv fleire hytter innanfor eller i utkanten av parken, deriblant Rondvassbu, Bjørnhollia, Grimsdalshytta, Peer Gynt Hytta, Dørålseter og Eldåbu. Kjende turistmål er m.a. Mysusæter, Høvringen, Kvitskriuprestinn, Skranglehaugane, Smiubelgen, Rondeslottet, Verkildalsbotnen, Jutulhogget og Ulafallene.

Pilegrimsleia frå Oslo til Nidaros går gjennom parken.

Fjelltoppar

Det er ti fjelltoppar i Rondane som ragar over 2 000 moh.:

• Rondeslottet — 2 178 moh.
• Storronden — 2 142 moh.
• Høgronden — 2 115 moh.
• Midtronden Vest — 2 060 moh.
• Vinjeronden — 2 044 moh.
• Midtronden Øst — 2 024 moh.
• Sagtinden — 2 018 moh.
• Storsmeden — 2 016 moh.
• Digerronden — 2 016 moh.
• Veslesmeden — 2 015 moh.

Bakgrunnsstoff

• Direktoratet for naturforvalting, informasjon om Rondane nasjonalpark. Arkivert 2007-09-30 ved Wayback Machine.
• PDF-kart Arkivert 2007-09-27 ved Wayback Machine.
• DNT-turplanleggar Arkivert 2007-04-19 ved Wayback Machine.

Wikimedia Commons har multimedia som gjeld: Rondane nasjonalpark